Astarada dəhşətli qəza: 1 ölü, 4 yaralı
Astarada bir nəfərin ölümü, dörd nəfərin yaralanması ilə nəticələnən ağır yol qəzası baş verib.
APA TV-nin cənub bürosunun məlumatına görə, hadisə rayonun Kijəbə qəsəbəsi ərazisində qeydə alınıb.
Şuvi kənd sakini, 27 yaşlı Bəylər İbrahimov idarə etdiyi “VAZ-21011” markalı avtomaşını maneəyə çırpıb. Nəticədə sürücü də daxil olmaqla 5 nəfər xəsarət alıb. Onlardan 3 nəfəri Astara Rayon Mərkəzi Xəstəxanasına, ikisinin vəziyyəti ağır olduğundan Lənkəran Rayon Mərkəzi Xəstəxanasına yerləşdirilib.
Ağır kəllə-beyin travması alan Şuvi kənd sakini, 30 yaşlı Yusif Məmmədov Lənkəran Rayon Mərkəzi Xəstəxanasında əməliyyat olunduqdan sonra reanimasiya şöbəsində dünyasını dəyişib. Kliniki ölüm keçirən 3 yaşlı Afət İbrahimovanı isə həkimlərin səyi nəticəsində həyata qaytarmaq mümkün olub. Digər yaralıların - 25 yaşlı Eldost İbrahimov, 25 yaşlı Nahidə Sultanova və sürücünün vəziyyətinin orta ağır olduğu bildirilir.
Faktla bağlı araşdırma aparılır.
Apa.tv
OXŞAR XƏBƏRLƏR
Rusiyadan Ermənistana Azərbaycandan keçməklə növbəti tədarük həyata keçirildi
Azərbaycan və Ermənistan lideləri TRIPP marşrutunun icrasını müzakirə ediblər
Cənubi Qafqazda yeni reallıq: onu İlham Əliyev yaratdı
"Torqovı"da iaşə obyektləri YANDI - XƏSARƏT ALANLAR VAR
Abel Məhərrəmovun oğlu səfir vəzifəsindən geri çağırıldı
