Lavrov: "Tramp-Putin görüşü nəzərdə tutulmur"
Rusiyanın xarici işlər naziri Sergey Lavrov Vladimir Putinlə ABŞ-ın yeni seçilmiş prezidenti Donald Tramp arasında İslandiya paytaxtında görüş keçiriləcəyi ilə bağlı yayılan məlumatlara münasibət bildirib.
APA TV-nin məlumatına görə, diplomat bu barədə keçirdiyi mətbuat konfransında açıqlama verib: "Bu barədə informasiyalar gerçəkliyi əks etdirmir. Bunun üçün heç bir danışıq olmayıb və bu görüşün keçirilməsi üçün tərəflər cəhd göstərməyiblər", deyə o qeyd edib.
Lavrov əlavə edib ki, indi və bundan sonra da bu istiqamətdə heç bir plan və hazırlıq görülməsi nəzərdə tutulmayıb.
Xatırladaq ki, Reykyavik sammiti tarixi hadisədir. 1986-cı ildə SOV. İKP-nın Mərkəzi Komitəsinin Baş Katibi Mixail Qorbaçovla ABŞ-ın o vaxtkı prezidenti Ronald Reyqan arasında ikinci görüş məhz İslandiya paytaxtında baş tutub.
Həmin görüş "soyuq müharibə"nin bitməsi yolunda atılan ilk addım idi.
Elvin Bayramlı
OXŞAR XƏBƏRLƏR
Rusiyadan Ermənistana Azərbaycandan keçməklə növbəti tədarük həyata keçirildi
Azərbaycan və Ermənistan lideləri TRIPP marşrutunun icrasını müzakirə ediblər
Cənubi Qafqazda yeni reallıq: onu İlham Əliyev yaratdı
"Torqovı"da iaşə obyektləri YANDI - XƏSARƏT ALANLAR VAR
Abel Məhərrəmovun oğlu səfir vəzifəsindən geri çağırıldı
