5 gün əvvəl ata olan şəhid hərbçimiz dəfn edildi
Düşmən tərəfindən mövqelərimizin atəşə tutulmasına qarşı cavab tədbirləri görülərkən Silahlı Qüvvələrimizin şəhid olan hərbi qulluqçusu, 1980-ci il təvəllüdlü Bəşirov Fikrət Nuşirəvan oğlu doğulduğu kənddə torpağa tapşırılıb.
APA TV-nin Cənub bürosunun məlumatına görə, dəfn mərasimində rayon İcra Hakimiyyətinin, Səfərbərlik və Hərbi Xidmətə Çağırış üzrə Dövlət Xidmətinin əməkdaşları, yerli hüquq-mühafizə orqanlarının rəhbərliyi, rayon ictimaiyyətinin nümayəndələri, hərbçilər iştirak edib.
Şəhid doğulduğu Astaranın Şahağacı kənd qəbiristanlığında yaylım atəşi ilə son mənzilə yola salındı.
Fikrət Bəşirov müdafiə naziri general-polkovnik Zakir Həsənovun əmrinə əsasən ölümündən sonra "Hərbi xidmətdə fərqlənməyə görə" 3-cü dərəcəli medalla təltif olunub.
Qeyd edək ki, şəhid Bəşirov Fikrət Nuşiravan oğlu müddətdən artıq hərbi qulluqçudur, ailəli olub, beş gündür ki, bir qız uşağı dünyaya gəlib.
Nəsimi Nəbizadə
OXŞAR XƏBƏRLƏR
Rusiyadan Ermənistana Azərbaycandan keçməklə növbəti tədarük həyata keçirildi
Azərbaycan və Ermənistan lideləri TRIPP marşrutunun icrasını müzakirə ediblər
Cənubi Qafqazda yeni reallıq: onu İlham Əliyev yaratdı
"Torqovı"da iaşə obyektləri YANDI - XƏSARƏT ALANLAR VAR
Abel Məhərrəmovun oğlu səfir vəzifəsindən geri çağırıldı
