Səudiyyə və Küveyt hasilatı azaltdı, Çin daha çox neft almağa başladı
OPEK ölkələrinin dünən açıqladığı hesabatlar neftin qiymətinə pozitiv təsir göstərib.
APA TV-nin xəbərinə görə, Səudiyyə Ərəbistanının energetika naziri Abu-Dabidə keçirdiyi mətbuat konfransında ölkəsinin gündəlik hasilatı 10 milyon barel səviyyəsinə saldığını açıqlayıb.
Küveytin neft naziri isə sutkalıq hasilatı 133 min barel azaldaraq 2,7 milyon səviyyəsində saxladıqlarını deyib. Bu açıqlamalardan sonra neft sürətlə bahalaşmağa başlayıb. Birjalarda “Brent” markalı neftin bir bareli 56,41 dollardan, WTİ nefti isə 53,47 dollardan təklif olunur. Səhər senaslarında bu rəqəm bir qədər aşağı düşsə də, qiymətlərdə artım tendensiyası qalxmaqdadır.
Birjaların OPEK ölkələri rəsmilərinin açıqlamalarına bu cür reaksiyası kartel daxilində əldə olunan razılaşmanın yerinə yetirilmə ehtimalının artması ilə bağlıdır. Əldə olunan razılaşmaya əməl olunsa, bazarda neft təklifinin təxminən 2 faiz azalacağı gözlənilir.
Bundan başqa Çin iqtisadiyyatının durumunun normallaşmasına dair ilk işarələr də neftin qiymətini artıran amil sayılır. Dekabr ayında Çin rekord miqdarda - gündəlik 8,56 milyon barel neft satın alıb. Treyderlər Çinin alıcılıq qabiliyyətinin 2017-ci ildə daha da artacağını proqnozlaşdırırlar.
Elvin Bayramlı
OXŞAR XƏBƏRLƏR
Rusiyadan Ermənistana Azərbaycandan keçməklə növbəti tədarük həyata keçirildi
Azərbaycan və Ermənistan lideləri TRIPP marşrutunun icrasını müzakirə ediblər
Cənubi Qafqazda yeni reallıq: onu İlham Əliyev yaratdı
"Torqovı"da iaşə obyektləri YANDI - XƏSARƏT ALANLAR VAR
Abel Məhərrəmovun oğlu səfir vəzifəsindən geri çağırıldı
