Türkiyə parlamentində səsvermənin nəticələri: 338 lehinə, 134 əleyhinə
Türkiyə parlamentində Konstitusiya dəyişikliklərinin maddə-maddə müzakirəsinə başlanmasına dair səsvermənin nəticələri açıqlanıb.
APA TV-nin məlumatına görə, səsvermə nəticəsində 338 millət vəkili müzakirələrin başlamasının lehinə səs verib.
Səsverməyə 480 millət vəkili qatılıb, HDP üzvləri səsvermədə iştirak etməyiblər, müzakirələrin başlamasının əleyhinə 134 nəfər səs verib, 2 nəfər bitərəf qalıb, 5 bülleten boş olub, 1 bülleten isə etibarsız sayılıb. AKP-dən 314, MHP-dən 33 millət vəkili səs verib, Konstitusiya dəyişikliklərini dəstəkləyən iki partiyanın birgə səsi 347 etməli olsa da, müzakirələrə başlamaq lehinə 338 nəfər səs verib. Hər iki partiyadan 9 nəfərin dəyişiklikləri dəstəkləmədiyi məlum olub.
Türkiyə parlamentində dəyişikliklər paketindəki 1-ci maddə ilə bağlı müzakirələr və səsvermə bu gün Bakı vaxtı ilə 16:00-da başlayacaq.
Elvin Bayramlı
OXŞAR XƏBƏRLƏR
Rusiyadan Ermənistana Azərbaycandan keçməklə növbəti tədarük həyata keçirildi
Azərbaycan və Ermənistan lideləri TRIPP marşrutunun icrasını müzakirə ediblər
Cənubi Qafqazda yeni reallıq: onu İlham Əliyev yaratdı
"Torqovı"da iaşə obyektləri YANDI - XƏSARƏT ALANLAR VAR
Abel Məhərrəmovun oğlu səfir vəzifəsindən geri çağırıldı
