Səudiyyə qiymətləri qaldıracağını açıqladı, neft bahalaşır
Bu gün ABŞ-ın neft ehtiyatlarının həcminə dair qeyri-rəsmi hesabat açıqlanacaq.
APA TV-nin xəbərinə görə, Amerika Neft İnstitutunun açıqlayacağı hesabat fonunda birjalarda “qara qızıl”ın qiyməti yüksəlməyə başlayıb.
Son 24 saat ərzində “Brent” markalı neftin maksimum qiyməti 56,49 dollar olub, səhər seanslarında isə bu rəqəm 56,30 dollar təşkil edib. Qərbi Texas nefti də dəyər qazanmağa başlayıb. Hazırda WTİ neftinin bir bareli 53,37 dollardan təklif olunur.
Küveytin gündəlik hasilatı 130 min, Omanın isə 45 min barel azaltması qiymətlərin yüksək həddə qalmasını təmin edir. Digər tərəfdən, Səudiyyə Ərəbistanı dünən bütün neft sortlarının qiymətini fevraldan bahalaşdıracağını bəyan edib. Bu amillər OPEK daxilində hasilatın azaldılması barədə razılaşmanın yerinə yetiriləcəyinə ümidləri artırıb. Lakin Liviyanın gündəlik hasilatı 900 min barelə çatdıracağı barədə xəbərlər OPEK amilinin bazara təsirini azaldır. Bu səbəbdən qiymətlərin həftə sonuna kimi 55-56 dollar ətrafında dəyişəcəyi proqnozlaşdırılır.
Elvin Bayramlı
OXŞAR XƏBƏRLƏR
Rusiyadan Ermənistana Azərbaycandan keçməklə növbəti tədarük həyata keçirildi
Azərbaycan və Ermənistan lideləri TRIPP marşrutunun icrasını müzakirə ediblər
Cənubi Qafqazda yeni reallıq: onu İlham Əliyev yaratdı
"Torqovı"da iaşə obyektləri YANDI - XƏSARƏT ALANLAR VAR
Abel Məhərrəmovun oğlu səfir vəzifəsindən geri çağırıldı
