Bakıda yolu qadağan olunmuş yerdən keçən piyadanı maşın vurdu
Bakıda avtomobil yolu qadağan olunmuş yerdən keçmək istəyən piyadanı vurub. APA TV-nin məlumatına görə, hadisə Neftçilər prospektində, Hökumət evinin qarşısında baş verib.
47 yaşlı Eldar Qasımov yolu yeraltı piyada keçidindən yox, qadağan olunmuş yerdən keçmək istəyib. Binnət Əhmədovun idarə etdiyi “Volkswagen” markalı avtomobil piyadanı vurub.
Piyada müxtəlif dərəcəli bədən xəsarətləri alıb. Yaralı Eldar Qasımovu sürücünün dostları 1 saylı Şəhər Kliniki Xəstəxanasına çatdırıblar. Yaralı piyadanın sərxoş olduğu bildirilir.
Hadisə yerinə Səbail Rayon Polis İdarəsinin və rayon Yol Polis Şöbəsinin əməkdaşları gəliblər. İlkin müayinələr keçirilib, sürücü Binnət Əhmədov ifadəsinin alınması üçün polisə aparılıb.
Qeyd edək ki, Neftçilər prospektinin Hökumət evinin qarşısından keçən hissəsində yeraltı piyada keçidi var. Amma bəzi piyadalar yolu keçmək üçün keçiddən istifadə etmək əvəzinə qadağan olunmuş yerdə həm özlərini, həm də sürücüləri təhlükəyə atmağa üstünlük verirlər. Həmin yerdə dəfələrlə piyadaların vurulması ilə nəticələnən yol-nəqliyyat hadisələri baş verib.
OXŞAR XƏBƏRLƏR
Rusiyadan Ermənistana Azərbaycandan keçməklə növbəti tədarük həyata keçirildi
Azərbaycan və Ermənistan lideləri TRIPP marşrutunun icrasını müzakirə ediblər
Cənubi Qafqazda yeni reallıq: onu İlham Əliyev yaratdı
"Torqovı"da iaşə obyektləri YANDI - XƏSARƏT ALANLAR VAR
Abel Məhərrəmovun oğlu səfir vəzifəsindən geri çağırıldı
