Lənkəranda keçmiş məhkumdan külli miqdarda tiryək götürüldü
Lənkəranda keçmiş məhkumdan külli miqdarda narkotik vasitə olan tiryək və güclü təsiredici maddə tutulub.
APA TV-nin cənub bürosunun məlumatına görə, Lənkəran Şəhər-Rayon Polis Şöbəsi (ŞRPŞ) əməkdaşlarının bu gün həyata keçirdiyi əməliyyat-axtarış tədbirləri nəticəsində Lənkəran rayonunun Digah kənd sakini, əvvəllər məhkum olunmuş, 1983-cü il təvəllüdlü Yalçın Güləhməd oğlu Məmmədovun idarə etdiyi minik avtomobili saxlanılıb.
Yoxlama zamanı avtomobildən və sürücünün yanındakı sərnişin, Lənkəran şəhər sakini, əvvəllər məhkum olunmuş 1979-cu il təvəllüdlü Əbülfəz Xanağa oğlu Cəbiyevin üzərinə baxış zamanı 2 kiloqramdan çox tiryək və 146 ədəd plastik qutuda güclü təsiredici maddə “Maytreks” həbi aşkarlanaraq maddi sübut kimi götürülüb.
İlkin ifadəsində Ə.Cəbiyev narkotikin ona Astara rayonunda tanımadığı şəxs tərəfindən verildiyini, Y.Məmmədov isə bu işdə yalnız sürücü qismində iştirak etdiyini bildirib.
Faktla bağlı Lənkəran ŞRPŞ-də araşdırmalara başlanılıb.
OXŞAR XƏBƏRLƏR
Rusiyadan Ermənistana Azərbaycandan keçməklə növbəti tədarük həyata keçirildi
Azərbaycan və Ermənistan lideləri TRIPP marşrutunun icrasını müzakirə ediblər
Cənubi Qafqazda yeni reallıq: onu İlham Əliyev yaratdı
"Torqovı"da iaşə obyektləri YANDI - XƏSARƏT ALANLAR VAR
Abel Məhərrəmovun oğlu səfir vəzifəsindən geri çağırıldı
