Bakının Baş planına yenidən baxılır - AEROPORT, METRO, SÖKÜNTÜ ƏRAZİLƏRİ
“Bakı şəhərinin Ərazidən İstifadə və Zonalaşdırma Planı - Baş plan” layihəsinə yenidən baxılacaq.
"APA-Economics"in sorğusuna cavab olaraq bildirilib ki, dekabrın 22-də Şəhərsalma və Tikinti Məcəlləsinin ərazi planlaşdırılması üzrə icraat 6-cı fəslindəki prosedurlara müvafiq olaraq Bakı Dövlət Layihə İnistitutu tərəfindən təqdim olunmuş “Bakı şəhərinin Ərazidən İstifadə və Zonalaşdırma Planı - Baş plan” layihəsinin ilkin ictimai müzakirəsi keçirilib. Tədbirdə müxtəlif dövlət orqanlarının, ictimaiyyətin nümayəndələri iştirak edib. Tədbirin keçirilməsində əsas məqsəd məhz layihə ətrafında fikir mübadiləsinin aparılması və layihə ilə bağlı irad və təkliflərin öyrənilməsi olub.
Müzakirələrin nəticələri əsasında layihəyə dair tövsiyələr, təklif və iradlar bildirilib. Qeyd olunanlar, o cümlədən Bakı Şəhər İcra Hakimiyyətinin iradlarının qısa müddətdə aradan qaldırılması ilə əlaqədar Bakı Dövlət Layihə İnstitutuna metro xətlərinin "Bakı Metropoliteni" QSC-nin 2035-ci ilə olan perspektiv inkişaf konsepsiyasına uyğunlaşdırılması, Ələtdə sərnişin hava limanının tikintisi məqsədəuyğun hesab edilmədiyi üçün layihədən çıxarılması, mənzil fondu üzrə rəqəmlərin dəqiqləşdirilməsi, söküntü həcmlərinə yenidən baxılması, iqtisadi göstəricilərin dəqiqləşdirilməsi, nəzərdə tutulan mərkəzlər və buradakı əhali saylarının dəqiqləşdirilməsi, qeyd olunanları nəzərə alaraq layihənin təshih olunaraq yenidən təqdim edilməsi ilə bağlı tapşırıqlar verilib.
Nigar Həsənli
OXŞAR XƏBƏRLƏR
Rusiyadan Ermənistana Azərbaycandan keçməklə növbəti tədarük həyata keçirildi
Azərbaycan və Ermənistan lideləri TRIPP marşrutunun icrasını müzakirə ediblər
Cənubi Qafqazda yeni reallıq: onu İlham Əliyev yaratdı
"Torqovı"da iaşə obyektləri YANDI - XƏSARƏT ALANLAR VAR
Abel Məhərrəmovun oğlu səfir vəzifəsindən geri çağırıldı
