Sumqayıtda xüsusi əməliyyat - QUMARXANA AŞKARLANDI
Baş Mütəşəkkil Cinayətkarlıqla Mübarizə İdarəsi Sumqayıtda xüsusi əməliyyat keçirib.
Daxili İşlər Nazirliyinin mətbuat xidmətindən APA TV-yə verilən məlumata görə, əməliyyat nəticəsində Sumqayıt şəhər sakini Cavad Ağayevin tamah məqsədilə Sumqayıt şəhəri 4-cü məhəllə Nizami küçəsi ev 28/17-də qumarxana təşkil etməsi və Kimyaçılar qəsəbə sakinləri, tanışları Ziyad Şirinov və Sirac İsmayılov ilə qabaqcadan əlbir olub bir qrup şəxs halında həmin ünvanda yaddaşında müxtəlif qumar oyunlarının yükləndiyi 7 ədəd noutbuk tipli kompüter yerləşdirmələri müəyyən edilib.
Həyata keçirilmiş əməliyyat-axtarış tədbirləri nəticəsində noyabrın 1-də qeyd edilən ünvanda qumar oyunlarından əldə edilmiş 640 manat, maqnit informasiya yaddaş daşıyıcılarının iş masalarında qumar oyunları üçün nəzərdə tutulmuş proqramlar aşkarlanıb. 7 ədəd noutbuk tipli kompüter, üzərində qumar oyunlarının oynanılması üçün kodların yazıldığı 23 ədəd vərəqə götürülüb.
Faktla əlaqədar cinayət işi başlanıb.
Apa.tv
OXŞAR XƏBƏRLƏR
Səhiyyə Nazirliyi: Azad edilmiş ərazilərdə xəstəxanaların layihələndirilməsi işləri gedir
"Azərbaycanın yaratdığı əməkdaşlıq irsinə əsaslanan model formalaşdıracağıq"
Bakıda leysan, dağlarda qar gözlənilir - HAVA PROQNOZU
Bakıda və bölgələrdə güclü külək gözlənilir
Yardımlıda qədim dəfn adətlərinə dair FAKTLAR ÜZƏ ÇIXDI
