Sərhədçilərimiz axtarışda olan 374 nəfəri saxlayıb
Dövlət Sərhəd Xidməti (DSX) tərəfindən 2016-cı ilin noyabr ayı dövlət sərhədini pozduqlarına görə 32 halda 39 nəfər saxlanılıb.
DSX-nin mətbuat mərkəzindən APA TV-yə verilən məlumata görə, onlardan 20 nəfəri Azərbaycan, 4 nəfəri Gürcüstan, 7 nəfəri Özbəkistan, 3 nəfəri İran, 2 nəfəri Qırğızıstan, hər ölkədən bir nəfər olmaqla Nigeriya, Fələstin, Kot-Divuar vətəndaşları olub.
Sərhəd rejim qaydalarını pozarkən yaşıl sərhəddə 4 halda 7 nəfər, Xəzər dənizində 12 halda 22 nəfər, Sərhəd Nəzarəti Məntəqələrində 565 halda 762 nəfər saxlanılaraq barələrində müvafiq tədbirlər görülüb.
Cinayətkarlığa qarşı mübarizə tədbirləri nəticəsində Azərbaycan hüquq-mühafizə orqanları tərəfindən axtarışda olan 374 nəfər aşkarlanaraq aidiyyəti orqanlara təhvil verilib.
Narkotik vasitələrin qeyri-qanuni dövriyyəsinə qarşı mübarizə tədbirləri nəticəsində 14 halda 7 kiloqram 770 qram narkotik maddə aşkar edilərək götürülüb.
Qaçaqmalçılıq fəaliyyətinə qarşı mübarizə çərçivəsində həyata keçirilmiş tədbirlər nəticəsində 72 halda ümumi dəyəri təqribən 330 min manat olan qaçaqmal, o cümlədən 2 ədəd “Chevrolet” və “KİA” markalı avtomobil, 13 kiloqram gümüş, 1 ədəd beşbarmaq, 4032 qutu pirotexniki vasitə, 14 148 Azərbaycan manatı, 37 710 ABŞ dolları, 31 265 Rusiya Federasiyası rublu, 4 000 Livan funtu, 900 000 İİR rialı, 8 640 qutu müxtəlif markalı siqaret, 182 ədəd mobil telefon, 2 ədəd qayıq, 1100 ədəd müxtəlif növ dərman preparatları, spirtli içki və sənaye malları saxlanılıb.
Dövlət sərhədlərimizin etibarlı mühafizəsinin təşkili istiqamətində tədbirlər davam etdirilir.
Ayşən Əhməd
OXŞAR XƏBƏRLƏR
Rusiyadan Ermənistana Azərbaycandan keçməklə növbəti tədarük həyata keçirildi
Azərbaycan və Ermənistan lideləri TRIPP marşrutunun icrasını müzakirə ediblər
Cənubi Qafqazda yeni reallıq: onu İlham Əliyev yaratdı
"Torqovı"da iaşə obyektləri YANDI - XƏSARƏT ALANLAR VAR
Abel Məhərrəmovun oğlu səfir vəzifəsindən geri çağırıldı
