Türkiyə açıqladı: Əl-Babda 39 İŞİD hədəfi məhv edilib, 32 terrorçu öldürülüb
Türkiyə Silahlı Qüvvələri Əl-Bab şəhərində keçirilən əməliyyatın nəticələrini açıqlayıb. APA TV-nin məlumatına görə, "Fərat qalxanı" çərçivəsində türk aviasiyası Əl Bab və Zarzur məntəqələrində İŞİD-ə məxsus 39 hədəfi məhv ediblər. Pilotsuz uçuş aparatı isə Zarzurda 4 İŞİD terrorçusunu məhv edib.
Ümumilikdə əməliyyat çərçivəsində Azez-Cerablus arasında yerləşən 222 məskunlaşmış yaşayış məntəqəsi və 1840 kvadrat kilometr ərazi Türkiyə Silahlı Qüvvələri və Azad Suriya Ordusunun nəzarətinə keçib. Dekabrın 7-də İŞİD tərəfindən Əl-Kufayrın şimalında türk hərbi birləşmələrinə edilən hücum nəticəsində bir əsgər şəhid olduqdan sonra həmin əraziyə 9 dəfə havadan zərbələr endirilib. Əl-Kufayrda 9, Əl-Baba endirilən hava zərbələri nəticəsində isə 32 İŞİD terrorçusu öldürülüb. Əməliyyat zamanı İŞİD-ə məxsus 3 tank, 1 ZTR, iki maşın, 1 bomba yüklənmiş maşın, 3 qərargah binası 2 nəzarət məntəqəsi və 3 sığınacaq məhv edilib.
Hazırda İŞİD-in bölgədən təmizlənməsinə dair hərəkat şərq-qərb və şimal-cənub istiqamətlərində davam etdirilir. Türkiyə ordusu PKK/PYD terrorçularının Afrindən şərqə, Münbiçdən isə qərbə doğru hərəkətinin qarşısını almaq üçün müvafiq önləyici tədbirlər görüb.
Nigar Həsənli
OXŞAR XƏBƏRLƏR
Rusiyadan Ermənistana Azərbaycandan keçməklə növbəti tədarük həyata keçirildi
Azərbaycan və Ermənistan lideləri TRIPP marşrutunun icrasını müzakirə ediblər
Cənubi Qafqazda yeni reallıq: onu İlham Əliyev yaratdı
"Torqovı"da iaşə obyektləri YANDI - XƏSARƏT ALANLAR VAR
Abel Məhərrəmovun oğlu səfir vəzifəsindən geri çağırıldı
