Sürpriz səfər: Trampın məsləhətçisi Moskvaya gəldi
ABŞ-ın yeni seçilmiş prezidenti Donald Trampın məsləhətçisi Rusiya paytaxtına səfər edib.
APA TV-nin Rusiya mətbuatına istinadən məlumatına görə, Karter Peycin Moskvada bir sıra görüşləri gözlənilir.
"Mən tanınmış biznesmenlər və ideya liderləri ilə görüşəcəyəm. Dekabrın 13-nə qədər Moskvada olacağam", - deyə Peyc qeyd edib.
Səfər öncəsi Karter Peyc bildirib ki, Donald Trampın administrasiyasında Rusiya-ABŞ münasibətlərini ən yüksək səviyyəyə çatdırmaq potensialı olan insanların təmsil olunması lazımdır. O əlavə edib ki, iki ölkə arasında dialoq prezident Vladimir Putinin etibarı olmadan baş tuta bilməz.
Qeyd edək ki, Peyc vaxtilə Moskvada Merill Lynch invest-bankında çalışıb. İyul ayında ABŞ KİV-ləri onun Moskvaya səfərləri barədə yazıb və əsas diqqəti Peycin tələbələr və jurnalistlər qarşısındakı çıxışlarında Vaşinqtonun Rusiya siyasətini tənqid etməsinə yönəldiblər. ABŞ-ın xüsusi xidmət orqanları isə Peyci izlədiklərini açıq bildiriblər.
OXŞAR XƏBƏRLƏR
Prezident bu ölkələrə yeni səfirlər təyin etdi
Balakəndə dəhşət saçan qəzanın TƏFƏRRÜATLARI
Əhalinin gəlirləri artıb – Statistika Komitəsi MƏLUMAT YAYDI
Rusiyadan Ermənistana Azərbaycandan keçməklə növbəti tədarük həyata keçirildi
Azərbaycan və Ermənistan lideləri TRIPP marşrutunun icrasını müzakirə ediblər
