Xaçmazda 3 yanğın hadisəsi baş verib
Ötən gecə Xaçmaz rayonunda 3 yanğın hadisəsi baş verib.
APA TV-nin şimal bürosunun xəbərinə görə, hadisələrdən biri rayonun Fərzəlioba kəndində qeydə alınıb.
Kənd sakini Mehdiyev Heydər Bəylər oğluna məxsus, ümumi sahəsi 20 kv. m olan talvarın yanar konstruksiyaları və altına yığılan 8 ton ot bağlamasının 3 tonu yanıb. Yanğının yayılmasının qarşısı alınıb.
Xaçmaz şəhər Bakı prospektində isə Bəxtiyar Alıxanova məxsus, ümumi sahəsi 40 kv. m olan köməkçi tikilinin dam örtüyü və içərisində olan əşyalar tamamilə yanıb.
Digər hadisə rayonun İdrisoba kəndində qeydə alınıb. Kənd sakini Əliyar Çobanova məxsus ot tayası yanıb. Alovun söndürülməsinə Xaçmaz Dövlət Yanğından Mühafizə Hissəsinin iki yanğınsöndürən maşını cəlb olunub. Alovun digər ərazilərə keçməsinin qarşısı alınıb. Ümumilikdə 15 tonluq ot tayasının 6 tonu yanıb.
Hadisələr zamanı xəsarət alan olmayıb.
Vəli Turan
OXŞAR XƏBƏRLƏR
Prezident bu ölkələrə yeni səfirlər təyin etdi
Balakəndə dəhşət saçan qəzanın TƏFƏRRÜATLARI
Əhalinin gəlirləri artıb – Statistika Komitəsi MƏLUMAT YAYDI
Rusiyadan Ermənistana Azərbaycandan keçməklə növbəti tədarük həyata keçirildi
Azərbaycan və Ermənistan lideləri TRIPP marşrutunun icrasını müzakirə ediblər
