Şəmkir-Gədəbəy yolunda zəncirvari qəza baş verib, yaralılar var
Şəmkirdə 3 nəfərin xəsarət alması ilə nəticələnən avtomobil qəzası baş verib. APA TV-nin Qərb bürosunun verdiyi məlumata görə, hadisə Şəmkir-Gədəbəy avtomobil yolunda qeydə alınıb. Qarşı qarşıya hərəkətdə olan “VAZ-2107” və “Ford” markalı avtomobillər toqquşub. Bu zaman yolla hərəkət edən “Mercedes” isə qəzaya uğrayan “VAZ”a çırpılıb. Hadisə zamanı "Ford"un sürücüsü, Gədəbəy rayon sakini, 1964-cü il təvəllüdlü Tahir Quliyev, “VAZ”ın sürücüsü Şəmkir rayonu, Çinarlı qəsəbə sakini, 1975-ci il təvəllüdlü Nazim İsmayılov və bir sərnişin xəsarət alıblar. Onlardan iki nəfərin vəziyyəti ağır, bir yaralının durumu isə normal qiymətləndirilir. Yaralılar Şəmkir və Gəncədə olan xəstəxanalara yerləşdiriliblər.
Faktla bağlı Şəmkir rayon Polis Şöbəsində araşdırma aparılır.
Elvin Yaqubov
OXŞAR XƏBƏRLƏR
Prezident bu ölkələrə yeni səfirlər təyin etdi
Balakəndə dəhşət saçan qəzanın TƏFƏRRÜATLARI
Əhalinin gəlirləri artıb – Statistika Komitəsi MƏLUMAT YAYDI
Rusiyadan Ermənistana Azərbaycandan keçməklə növbəti tədarük həyata keçirildi
Azərbaycan və Ermənistan lideləri TRIPP marşrutunun icrasını müzakirə ediblər
