Lənkəranda “Mersedes” ağaca çırpıldı, sürücü öldü
Lənkəranda ağır yol-nəqliyyat hadisəsi baş verib. APA TV-nin cənub bürosunun məlumatına görə, hadisə dekabrın 2-si axşam saatlarında Lənkəran-Boradigah şosesinin rayonun Separadi kəndi ərazisindən keçən hissəsində qeydə alınıb.
Masallı rayonunun Mahmudavar kənd sakini, 45 yaşlı Güləddin Vəli oğlu Qasımov idarə etdiyi “Mercedes” markalı minik avtomobilin idarəetməsini itirib və maşın yolun kənarındakı ağaclara çırpılıb. Güclü zərbədən avtomobil deformasiyaya uğrayıb. Ağır bədən xəsarətləri almış sürücü hadisə yerinə toplaşan adamların köməkliyi ilə maşından çıxarılaraq Lənkəran Mərkəzi Rayon Xəstəxanasına çatdırılıb. Həkimlər tərəfindən zəruri tibbi yardımların göstərilməsinə baxmayaraq, Güləddin Qasımov bir müddət sonra dünyasını dəyişib.
Qəzadan sonra şose yolunda nəqliyyat vasitələrinin hərəkətində yarım saata qədər məhdudiyyət yaranıb.
İlkin versiya kimi qəzaya hərəkətdə olan “Mersedes”in qarşısına maneənin çıxmasının səbəb olduğu göstərilir. Hadisənin dəqiq səbəbləri isə yol polisi tərəfindən həyata keçirilmiş avtotexniki ekspertizanın yekun rəyindən sonra məlum olacaq.
Faktla bağlı Lənkəran Şəhər-Rayon Polis Şöbəsində araşdırma aparılır.
OXŞAR XƏBƏRLƏR
Prezident bu ölkələrə yeni səfirlər təyin etdi
Balakəndə dəhşət saçan qəzanın TƏFƏRRÜATLARI
Əhalinin gəlirləri artıb – Statistika Komitəsi MƏLUMAT YAYDI
Rusiyadan Ermənistana Azərbaycandan keçməklə növbəti tədarük həyata keçirildi
Azərbaycan və Ermənistan lideləri TRIPP marşrutunun icrasını müzakirə ediblər
