Rusiya Ərdoğanın Əsədi devirmək istəyinə münasibət bildirdi
"Rəsmi Moskva Türkiyə prezidenti Rəcəb Tayyib Ərdoğanın yalnız ictimaiyyət qarşısında söylədiyi fikirlərə əsaslanır. Onun Bəşər Əsəd haqqında söylədikləri isə ictimai bəyanat xarakteri daşımır".
APA TV-nin Rusiya mətbuatına istinadən xəbərinə görə, bu fikirləri Rusiya Xarici İşlər Nazirliyinin nümayəndəsi Mariya Zaxarova səsləndirib.
O, Türkiyə prezidentinin son açıqlamasının detallı şəkildə təhlil edildiyini deyərək, bu fikirlərin mətbuatdan kənar, qeyri-rəsmi şəkildə söyləndiyini bildirib.
Söhbət isə bir qədər öncə İstanbulda keçirilən simpozium zamanı Rəcəb Tayyib Ərdoğanın ölkəsi tərəfindən Suriyaya qoşun yeridilməsinin yalnız prezident Bəşər Əsədi devirmək məqsədi daşıdığı barədə fikirlərindən gedir.
Bu arada Rusiya Federasiya Şurasının İnformasiya Siyasəti Komissiyasının sədri Aleksey Puşkov da Ərdoğanın fikirlərini şərh edib. O, Türkiyə prezidentinin Bəşər Əsədin devrilməli olduğu ilə əlaqəli fikirlərinə skeptik yanaşaraq, bu hədəfin əlçatmaz olduğunu qeyd edib.
Fərid Rəsulov
OXŞAR XƏBƏRLƏR
Prezident bu ölkələrə yeni səfirlər təyin etdi
Balakəndə dəhşət saçan qəzanın TƏFƏRRÜATLARI
Əhalinin gəlirləri artıb – Statistika Komitəsi MƏLUMAT YAYDI
Rusiyadan Ermənistana Azərbaycandan keçməklə növbəti tədarük həyata keçirildi
Azərbaycan və Ermənistan lideləri TRIPP marşrutunun icrasını müzakirə ediblər
