Masallıda evlərdən oğurluq edən iki nəfər tutuldu
Masallıda silsilə oğurluqlar törətməkdə təqsirləndirilən şəxslər zərərsizləşdirilib.
APA TV-nin cənub bürosunun məlumatına görə, Masallı Rayon Polis Şöbəsi əməkdaşlarının həyata keçirdiyi əməliyyat-axtarış tədbirləri nəticəsində rayonun ayrı-ayrı yaşayış məntəqələrində oğurluqda şübhəli bilinən iki nəfər saxlanılıb.
İlkin araşdırmalar zamanı məlum olub ki, rayon sakini Kamran Hüseynov bu ilin fevral ayının 1-də özgənin əmlakını ələ keçirmək məqsədilə rayonun Musaküçə kənd sakini Əlvan Heydərova məxsus yaşayış evinə gizli daxil olaraq, oradan 3 200 rus rublu və 220 manat pul oğurlayıb. Bundan sonra o, 28 aprel 2016-cı ildə axşam saatlarında rayonun Türkoba kənd sakini Vüqar Hacıyevə məxsus yaşayış evinə gizli daxil olaraq oradan 1 850 manat pul, iyunun 26-da isə tanışı Fariq İbrahimovla birgə Mollaoba kənd sakini Seyfəl Baxşəliyevə məxsus yaşayış evinə gizli daxil olaraq oradan 350 ABŞ dolları, 150 manat pul və qızıl-zinət əşyaları oğurlayıb.
Əməliyyat-axtarış tədbirləri nəticəsində Kamran Hüseynovla Fariq İbrahimovun digər bu kimi əməlləri də üzə çıxıb. Həmçinin Kamran Hüseynovun üzərindən 2 940 qram narkotik vasitə olan heroin aşkar edilərək götürülüb.
Kamran Hüseynov və Fariq İbrahimov barəsində cinayət işi açılıb, araşdırmalar davam etdirilir.
OXŞAR XƏBƏRLƏR
Prezident bu ölkələrə yeni səfirlər təyin etdi
Balakəndə dəhşət saçan qəzanın TƏFƏRRÜATLARI
Əhalinin gəlirləri artıb – Statistika Komitəsi MƏLUMAT YAYDI
Rusiyadan Ermənistana Azərbaycandan keçməklə növbəti tədarük həyata keçirildi
Azərbaycan və Ermənistan lideləri TRIPP marşrutunun icrasını müzakirə ediblər
