Lənkəranda qəza: benzin yola dağıldı, magistral yol bağlandı
Lənkəranda ağır yol-nəqliyyat qəzası baş verib. APA TV-nin cənub bürosunun məlumatına görə, hadisə bu gün saat 11.00 radələrində Ələt-Astara magistralının Lənkəran rayonunun Liman şəhəri ərazisindən keçən hissəsində qeydə alınıb.
Lənkəran rayon sakini, 1979-cu il təvəllüdlü Ravil Baxışovun idarə etdiyi “Ford” markalı, 10 SH 159 dövlət nömrə nişanlı firmaya məxsus avtomobil Cəlilabad rayon sakini, 1966-cı il təvəllüdlü Tərlan İslamovun idarə etdiyi “ZİL” markalı yanacaq daşıyan maşınla toqquşub.
Güclü zərbədən “ZİL” markalı maşın aşıb, yanacaq yola dağılıb. Qəza nəticəsində xəsarət almış “Ford”un sürücüsü Lənkəran Mərkəzi Rayon Xəstəxanasına aparılıb. “ZİL”in sürücüsü isə yüngül xəsarət alıb.
Hadisə yerinə cəlb olunmuş Fövqəladə Hallar Nazirliyinin və digər dövlət qurumlarının əməkdaşlarının, yanğınsöndürənlərin səyi ilə yola dağılmış yanacaq təmizlənməklə nəqliyyat vasitələrinin hərəkəti təxminən iki saatdan sonra bərpa olunub.
OXŞAR XƏBƏRLƏR
Prezident bu ölkələrə yeni səfirlər təyin etdi
Balakəndə dəhşət saçan qəzanın TƏFƏRRÜATLARI
Əhalinin gəlirləri artıb – Statistika Komitəsi MƏLUMAT YAYDI
Rusiyadan Ermənistana Azərbaycandan keçməklə növbəti tədarük həyata keçirildi
Azərbaycan və Ermənistan lideləri TRIPP marşrutunun icrasını müzakirə ediblər
