Bakıda lift şaxtasında intihar: 58 yaşlı kişi özünü güllələdi
Bakıda intihar hadisəsi baş verib. APA TV-nin məlumatına görə, hadisə Parlament prospekti-1 ünvanındakı binanın doqquzuncu mərtəbəsində - lift şaxtasının otağında qeydə alınıb.
Ov tüfəngi ilə özünü güllələyən şəxsin 1958-ci il təvəllüdlü Ziyafət Paşa oğlu Hüseynov olduğu müəyyən edilib. Axşam saatlarında yaşadığı binanın lift şaxtasına çıxan şəxs özünü güllələyib.
Hadisə yerində olan APA TV-nin əməkdaşlarına mərhumun qonşuları və yaxınları Hüseynovun sakit təbiətli adam olduğunu bildiriblər. 7 qardaşı olan Hüseynovun özünün və atasının vaxtilə hüquq-mühafizə orqanlarında işlədiyi bildirilir.
Ailəsində heç bir problemi olmayan Hüseynovun intihar etməsini qohumları təəccüblə qarşılayıblar. Səhhətində cüzi narahatlıq olsa da, yaxınları ölümün xəstəliklə bağlılığını inkar edirlər. Mərhumun 2 övladı var. Onlardan biri ötən il ailə qurub. Hadisə yerindən kiçik əlyazmanın tapıldığını deyənlər də var. Ailə üzvləri isə hadisə ilə bağlı danışmaq istəmədiklərini bildiriblər.
Faktı Yasamal rayon Prokurorluğu araşdırır.
OXŞAR XƏBƏRLƏR
Prezident bu ölkələrə yeni səfirlər təyin etdi
Balakəndə dəhşət saçan qəzanın TƏFƏRRÜATLARI
Əhalinin gəlirləri artıb – Statistika Komitəsi MƏLUMAT YAYDI
Rusiyadan Ermənistana Azərbaycandan keçməklə növbəti tədarük həyata keçirildi
Azərbaycan və Ermənistan lideləri TRIPP marşrutunun icrasını müzakirə ediblər
