Ağstafada dəhşətli qəza: 6 yaralı
Bakı-Qazax magistral yolunda 6 nəfərin xəsarət alması ilə nəticələnən yol-nəqliyyat hadisəsi baş verib.
APA TV-nin qərb bürosunun verdiyi məlumata görə, hadisə yolun 463-cü kilometrliyində, Ağstafa şəhəri ərazisində qeydə alınıb.
Ağstafa rayon sakini, 1975-ci il təvəllüdlü Vaqif Ələkbərovun idarə etdiyi “Opel” markalı avtomobillə Qazax rayonunun Çaylı kənd sakini, 1964-cü il təvəllüdlü İman Məmmədovun idarə etdiyi “VAZ-2106” markalı maşın toqquşub. Qəza zamanı hər iki avtomobilin sürücüsü və sərnişinlər - Qazax rayonunun Ağköynək kənd sakini, 1950-ci il təvəllüdlü Rahilə Poladova, Çaylı kənd sakini, 1949-cu il təvəllüdlü Ceyran Poladova, Ağstafa şəhər sakinləri - 1979-cu il təvəllüdlü Aybəniz İsrafilova və 1952-ci il təvəllüdlü Hürü Bayramova müxtəlif bədən xəsarətləri alaraq Ağstafa Rayon Mərkəzi Xəstəxanaya yerləşdiriliblər. Onlardan iki nəfərin vəziyyəti orta-ağır, digərlərininki isə normal qiymətləndirilir.
Faktla bağlı Baş Dövlət Yol Polisi İdarəsində araşdırma aparılır.
Azər Məmmədli
OXŞAR XƏBƏRLƏR
Prezident bu ölkələrə yeni səfirlər təyin etdi
Balakəndə dəhşət saçan qəzanın TƏFƏRRÜATLARI
Əhalinin gəlirləri artıb – Statistika Komitəsi MƏLUMAT YAYDI
Rusiyadan Ermənistana Azərbaycandan keçməklə növbəti tədarük həyata keçirildi
Azərbaycan və Ermənistan lideləri TRIPP marşrutunun icrasını müzakirə ediblər
