İmişlidə 50 min manatlıq yükü olan maşın yandı
İmişlidə tikinti malları yüklənmiş avtomobil yanıb. APA TV-nin Mil-Muğan bürosunun məlumatına görə, yanğın hadisəsi ötən axşam saat 21.00 radələrində baş verib. İmişli rayonuna tikinti materialları satmaq məqsədi ilə gələn Oğuz rayon sakini, Rəşad İbrahimova məxsus “Hyundai” markalı avtomobilin yük yerində qəfildən tüstülənmə baş verib. Qısa müddətdə alov yük yerini tam əhatə edib.
Yanğının söndürülməsinə İmişli rayon yanğından mühafizə xidmətinin texnika və canlı qüvvəsi cəlb edilib. Alov söndürülüb. Yük maşını yanğından xilas edilsə də, yük yerində olan malların xeyli hissəsi yanaraq sıradan çıxıb.
Sürücünün bildirdiyinə görə, avtomobildə 50 min manatlıq tikinti malları olub.
Rəşad İbrahimov, sürücü: “Bazardan alıram, satıram. Şəxsi maşınımdır. Gəldim İmişliyə, otelə təzə girmişdim. Otelçi ilə söhbət eləyəndə dedi ki, maşından tüstü çıxır. Qaçdıq ki, maşın tüstülənir”.
Yanğın zamanı avtomobilin sürücüsü tüstüdən zəhərlənib. Hadisə yerinə gələn həkimlər sürücüyə tibbi yardım göstərib.
Faktla bağlı araşdırma aparılır.
OXŞAR XƏBƏRLƏR
Prezident bu ölkələrə yeni səfirlər təyin etdi
Balakəndə dəhşət saçan qəzanın TƏFƏRRÜATLARI
Əhalinin gəlirləri artıb – Statistika Komitəsi MƏLUMAT YAYDI
Rusiyadan Ermənistana Azərbaycandan keçməklə növbəti tədarük həyata keçirildi
Azərbaycan və Ermənistan lideləri TRIPP marşrutunun icrasını müzakirə ediblər
