Lənkəranda mikroavtobusla "Tofaş" toqquşdu: 1 ölü, 1 yaralı
Lənkəranda ölümlə nəticələnən ağır yol-nəqliyyat qəzası baş verib. APA TV-nin cənub bürosunun məlumatına görə, hadisə bu gün saat 8:40 radələrində Ələt-Astara magistralının 205-ci kilometrliyində, yolun rayonun Gərmətük qəsəbəsi ərazisindən keçən hissəsində qeydə alınıb.
Astara rayonunun Ojakəran kənd sakini, 28 yaşlı Xəyyam Zərbi oğlu Nəsirovun idarə etdiyi “Ford” markalı, 50 CG 746 dövlət nömrə nişanlı mikroavtobusla Lənkəranın Şürük kənd sakini, 35 yaşlı Rövşən Sahib oğlu Əliyevin idarə etdiyi “Tofaş” markalı minik avtomobili toqquşub. Güclü zərbədən “Tofaş”ın sürücüsü aldığı xəsarətlərdən hadisə yerindəcə dünyasını dəyişib. Minik avtomobilinin digər sərnişini, Astaranın Kijəbə qəsəbə sakini, 18 yaşlı Cəlil Əlövsət oğlu Talıblı isə müxtəlif dərəcəli bədən xəsarətləri ilə “təcili yardım” maşınında Lənkəran Mərkəzi Rayon Xəstəxanasına çatdırılıb.
Faktla bağlı Daxili İşlər Nazirliyinin istintaq və təhqiqat şöbəsində araşdırma aparılır.
OXŞAR XƏBƏRLƏR
Prezident bu ölkələrə yeni səfirlər təyin etdi
Balakəndə dəhşət saçan qəzanın TƏFƏRRÜATLARI
Əhalinin gəlirləri artıb – Statistika Komitəsi MƏLUMAT YAYDI
Rusiyadan Ermənistana Azərbaycandan keçməklə növbəti tədarük həyata keçirildi
Azərbaycan və Ermənistan lideləri TRIPP marşrutunun icrasını müzakirə ediblər
