Balakəndə minik maşını "KamAZ"la toqquşdu: 1 ölü, 4 yaralı
Balakəndə baş verən yol qəzasında 1 nəfər ölüb, 4 nəfər isə xəsarət alıb. APA TV-nin məlumatına görə, hadisə bu gün səhər saat 07:00 radələrində Yevlax-Zaqatala-Gürcüstan sərhədi magistral yolunun Balakən rayonunun Qazbinə kəndi ərazisindən keçən hissəsində baş verib.
Balakən rayonunun Talalar kənd sakini, 1962-ci il təvəllüdlü Bayram Əsəbəli oğlu Xanmədov idarə etdiyi “VAZ-21074” markalı minik avtomobili ilə Zaqatala rayonu istiqamətində hərəkətdə olarkən qarşıdan gələn “KamAZ” markalı yük maşını ilə toqquşub. Qəzadan sonra “KamAZ”ın sürücüsü xəsarət almasa da, "VAZ-21074" markalı avtomobilin sürücüsü Bayram Xanmədov və onun həmkəndlisi olan sərnişinləri - 1964-cü il təvəllüdlü Əmirxan Musa oğlu İsmayılov, 1959-cu il təvəllüdlü Pəri Əsədulla qızı Ömərova, 1958-ci il təvəllüdlü Ramiz Əziz oğlu Şahverdiyev və 1969-cu il təvəllüdlü Reyhan Sabir qızı Murtuzova aldıqları müxtəlif dərəcəli bədən xəsarətləri ilə Balakən Rayon Mərkəzi Xəstəxanasına (RMX) aparılıblar.
Balakən RMX-dan APA TV-yə bildirilib ki, yaralılardan Bayram Xanmədov xəstəxanaya daxil olduqdan bir qədər sonra aldığı ağır bədən xəsarətlərindən keçinib.
Digər yaralılar xəstəxananın cərrahiyə şöbəsinə yerləşdirilib, müayinə və müalicələri davam etdirilir, vəziyyətləri orta-stabil qiymətləndirilir. Qəza zamanı ölən və yaralanan həmkəndlilər yeşiklərə xurma yığmaq üçün Zaqatalaya gedirlərmiş.
Faktla bağlı araşdırma aparılır.
Vüqar Heydərov
OXŞAR XƏBƏRLƏR
Prezident bu ölkələrə yeni səfirlər təyin etdi
Balakəndə dəhşət saçan qəzanın TƏFƏRRÜATLARI
Əhalinin gəlirləri artıb – Statistika Komitəsi MƏLUMAT YAYDI
Rusiyadan Ermənistana Azərbaycandan keçməklə növbəti tədarük həyata keçirildi
Azərbaycan və Ermənistan lideləri TRIPP marşrutunun icrasını müzakirə ediblər
