ABŞ rusları qabaqladı, Rəqqaya hücum başladı: Türkiyə ofsaydda
Suriyada İŞİD terror təşkilatının "paytaxt"ı sayılan Raqqa şəhərinin azad edilməsi əməliyyatı başlayıb.
APA TV-nin məlumatına görə, Suriya Demokratik Güclərinin (SDG) başladığı əməliyyata ABŞ-ın rəhbərlik etdiyi koalisiya hava dəstəyi verəcək.
Suriya Demokratik Güclərinin özəyini PKK terror təşkilatının Suriya qolu olan PYD-nin silahlı qanadı YPG təşkil edir. Əməliyyata 30 min SDG silahlısının qatıldığı açıqlanıb.
PKK-nın qanadı olan PYD/YPG bunu Türkiyənin "Fərat qalxanı" əməliyyatına qarşılıq olaraq "Fəratın qəzəbi" kimi dəyərləndirir. PYD-dən Türkiyənin bu əməliyyata qatılmayacağı barədə ABŞ-la konkret razılaşma əldə olunduğu vurğulanıb.
ABŞ komandanlığı başlanılan əməliyyatın çox çətin keçəcəyini bildirib və uğur əldə ediləcəyi təqdirdə, bunu İŞİD-in sonu kimi dəyərləndirib.
Xatırladaq ki, bir müddət öncə Rəcəb Tayyib Ərdoğanla Barak Obama arasında baş tutan telefon danışığında Rəqqanın birlikdə təmizlənməsi üçün danışıq olub. Türkiyə prezidenti bu əməliyyatda PKK-nın qanadı olan PYD-nin iştirakını qəti şəkildə qəbul etməyəcəklərini bildirib.
Qeyd edək ki, Rəqqa 2011-ci ildən İŞİD-in nəzarətindədir və terror qruplaşması bu şəhəri özünün "paytaxt"ı elan edib. Başqa bir maraqlı detal isə İŞİD-in 2 ildir ələ keçirdiyi İraqın Mosul şəhərinə hücumla Rəqqa əməliyyatının təxminən eyni vaxta düşməsidir.
Nəsimi Nəbizadə
OXŞAR XƏBƏRLƏR
Prezident bu ölkələrə yeni səfirlər təyin etdi
Balakəndə dəhşət saçan qəzanın TƏFƏRRÜATLARI
Əhalinin gəlirləri artıb – Statistika Komitəsi MƏLUMAT YAYDI
Rusiyadan Ermənistana Azərbaycandan keçməklə növbəti tədarük həyata keçirildi
Azərbaycan və Ermənistan lideləri TRIPP marşrutunun icrasını müzakirə ediblər
