Lənkəran teatrında “Hacı Qara” komediyasının premyerası olub
Noyabrın 2-də Lənkəran Dövlət Dram Teatrının səhnəsində Azərbaycan dramaturgiyasının banisi Mirzə Fətəli Axundzadənin “Hacı Qara” komediyasının premyerası olub.
APA TV-nin Cənub bürosunun məlumatına görə, XIX əsrin 30-40-cı illərində Azərbaycan həyatının reallıqlarını əks etdirən tamaşanın quruluşçu rejissoru Azərbaycan Dövlət “Yuğ” Teatrının baş rejissoru Gümrah Ömər, rejissoru Tərlan Abdullayev, quruluşçu rəssamı Ramazan Ağayev, bəstəkarı Zəminə Əliyevadır.
Dövlət sifarişi ilə hazırlanmış səhnə əsərində əsas rolları xalq artisti Qabil Quliyev, əməkdar artistlər Təvəkkül Əliyev və Sucəddin Mirzəyev, aparıcı artistlərdən Əlibala Əsgərov, Qızılgül Quliyeva, Allahverən Babayev, Əbülfəz Axundov, Səyyad Əliyev, Aynur Əhmədova, Niftulla Əsgərov, Hikmət Cəfərov, Tərlan Abdullayeva, Nizami Qurbanov və digərləri canlandırıblar.
Qeyd edək ki, bu, Gümrah Ömərin Lənkəran teatrının səhnəsində qoyduğu üçüncü tamaşadır. Bundan əvvəl rejissor burada Əli Əmirlinin “Onun iki qabırğası” və Elçinin “Cəhənnəm sakinləri” əsərlərinə quruluş verib.
OXŞAR XƏBƏRLƏR
Prezident bu ölkələrə yeni səfirlər təyin etdi
Balakəndə dəhşət saçan qəzanın TƏFƏRRÜATLARI
Əhalinin gəlirləri artıb – Statistika Komitəsi MƏLUMAT YAYDI
Rusiyadan Ermənistana Azərbaycandan keçməklə növbəti tədarük həyata keçirildi
Azərbaycan və Ermənistan lideləri TRIPP marşrutunun icrasını müzakirə ediblər
