“Reuters”: OPEK kartelin uzunmüddətli strategiyasını razılaşdırıb
OPEK üzvü olan ölkələrin nazirləri kartelin uzunmüddətli strategiyasını razılaşdırıb. "APA-Economics" xəbər verir ki, bu barədə "Reuters" agentliyinə OPEK-dəki mənbə bildirib.
Bildirilir ki, əldə olunan razılıq təşkilat daxilində olan fikir ayrılığının aradan qalxdığına işarə edir. Fikir ayrılığı əsasən neft hasilatının tənzimlənməsi ilə bağlı idi.
Sənədin razılaşdırılmasına dəfələrlə İran və Əlcəzair kimi OPEK-ə üzv olan ölkələr əngəl törədib. Adıçəkilən ölkələrin rəsmiləri bildirir ki, OPEK üzvləri bazar paylarını qorumalıdır.
Bununla yanaşı, OPEK-in qeyri-formal lideri olan Səudiyyə Ərəbistanı 2014-cü ilin sonundan etibarən bildirir ki, neftin qiymətini bazar müəyyənləşdirməlidir, kartel üzvləri isə hasilatı azaltmamalıdır.
OPEK üzvləri sonuncu dəfə uzunmüddətli strategiyanı cari ilin may ayında müzakirə ediblər, lakin konsensus əldə etmək mümkün olmayıb. Bundan sonra Ər-Riyad mövqeyini dəyişərək neftin qiymətinin artması naminə hasilatı azaltmağa razılıq verib. Sentyabr ayında Əlcəzairdə keçirilən qeyri-formal görüşdə OPEK üzvləri 8 il ərzində ilk dəfə olaraq sutkalıq hasilatın 32,5-33 mln. barel səviyyəsində məhdudlaşdırılmasına dair razılıq əldə edib.
Mənbə bildirib ki, razılaşdırılmış strategiya ilkin versiyadan bir qədər fərqlənir: "Sənəd bir qədər korreksiya olunub".
Digər mənbənin sözlərinə görə, OPEK üzvü olan ölkələrin nazirləri qərara alıb ki, kartel neft bazarının tənzimləyicisi rolunu qaytarmalıdır.
Apa.tv
OXŞAR XƏBƏRLƏR
Ağdamda Mərkəzi parkın tikintisi davam etdirilir
Prezident bu ölkələrə yeni səfirlər təyin etdi
Balakəndə dəhşət saçan qəzanın TƏFƏRRÜATLARI
Əhalinin gəlirləri artıb – Statistika Komitəsi MƏLUMAT YAYDI
Rusiyadan Ermənistana Azərbaycandan keçməklə növbəti tədarük həyata keçirildi
