Cəlilabadda 14 yaşayış məntəqəsini birləşdirən yolda sürüşmə baş verib
Son günlər düşən intensiv yağıntılar nəticəsində cənub bölgəsindəki sürüşmə zonalarında aktivlik daha da artıb.
APA TV-nin cənub bürosunun məlumatına görə, bu səbəbdən Cəlilabad rayonunda 14 yaşayış məntəqəsini birləşdirən Cəlilabad-Sadatlı avtomobil yolunun Xəlilli kəndindən keçən hissəsində torpaq sürüşməsi baş verib.
Yerli sakinlərin sözlərinə görə, ərazidən mütəmadi olaraq ağır tonnajlı yük maşınlarının keçməsi ilə yolun asfalt qatında hər dəfə yeni çatlar əmələ gəlməyə başlayır. Həmçinin yolun ayrı-ayrı ərazilərində asfalt qatı dağılaraq dərəyə doğru aşıb. Yolun kənarlarında və orta hissələrində dərin çatlar əmələ gəlib. Sürüşmə nəticəsində bəzi yerlərdə yoldan keçid məsafəsi də daralıb. Ən təhlükəli vəziyyət isə yolun üzərində qurulmuş körpülərin birində yaşanır. Mövcud vəziyyətə baxmayaraq, yolda hələlik nəqliyyat vasitələrinin hərəkətində hər hansı bir maneə yaranmayıb.
Cəlilabad Rayon İcra Hakimiyyəti başçısının birinci müavini, rayon Fövqəladə Hallar Komissiyasının sədri Vidadi Dövlətov APA TV-yə təbii fəlakətin nəticələrinin qısa müddətdə aradan qaldırılacağını bildirib.
OXŞAR XƏBƏRLƏR
Ağdamda Mərkəzi parkın tikintisi davam etdirilir
Prezident bu ölkələrə yeni səfirlər təyin etdi
Balakəndə dəhşət saçan qəzanın TƏFƏRRÜATLARI
Əhalinin gəlirləri artıb – Statistika Komitəsi MƏLUMAT YAYDI
Rusiyadan Ermənistana Azərbaycandan keçməklə növbəti tədarük həyata keçirildi
