Lənkəranda yaralı qartal tapıldı
Lənkəranda yerli sakinlərdən biri yolun kənarında hərəkətsiz oturmuş qartal aşkarlayıb. APA TV-nin cənub bürosunun məlumatına görə, ilkin müayinədən sonra quşun yaralı olduğu müəyyənləşdirilib.
Qartalın müalicəsindən ötrü Lənkəran Rayon Baytarlıq İdarəsinə müraciət olunub. Lakin idarənin əməkdaşları qanadı qırılmış quşa yardım etmək iqtidarında olmadıqlarını bildiriblər. Daha sonra qartal Hirkan Milli Parkına təhvil verilib. Parkın mütəxəssisləri quşun güllə ilə vurulduğu və yarasının ağır olduğu barədə rəy veriblər. O da məlum olub ki, bu növ qartallar Lənkəran təbiəti üçün xarakterik deyil.
Qartal Hirkan Milli Parkında yaralı quş və heyvanlar üçün nəzərdə tutulmuş guşəyə yerləşdirilərək, ona lazımi tibbi yardımın göstəriləcəyi bildirilib.
OXŞAR XƏBƏRLƏR
Ağdamda Mərkəzi parkın tikintisi davam etdirilir
Prezident bu ölkələrə yeni səfirlər təyin etdi
Balakəndə dəhşət saçan qəzanın TƏFƏRRÜATLARI
Əhalinin gəlirləri artıb – Statistika Komitəsi MƏLUMAT YAYDI
Rusiyadan Ermənistana Azərbaycandan keçməklə növbəti tədarük həyata keçirildi
