Masallıda iki maşın toqquşdu: 5 yaralı
Masallıda 5 nəfərin xəsarət alması ilə nəticələnən yol-nəqliyyat hadisəsi baş verib. APA TV-nin xəbərinə görə, qəza nəticəsində ölən olmasa da, avtomobillərə ciddi ziyan dəyib.
Hadisə Qızılağac-Göytəpə yolunda baş verib. Masallı rayonunun Həsənli kənd sakinləri - 59 yaşlı Vyaçeslav Rəsul oğlu Mikayılovun idarə etdiyi "QAZel" markalı yük maşını 34 yaşlı Mərdan Mahmud oğlu Mikayılovun idarə etdiyi "VAZ-21015" markalı minik avtomobili ilə toqquşub. Hadisə nəticəsində hər iki nəqliyyat vasitəsinin sürücüləri, həmçinin sərnişinlər, Masallı rayonunun Həsənli kənd sakinləri - 40 yaşlı Dürrə Vyaçeslav qızı Mikayılova və 6 yaşlı Mahmud İsgəndərov Masallı Mərkəzi Rayon Xəstəxanasına yerləşdiriliblər. Qəza zamanı adı məlum olmayan bir sərnişin isə Cəlilabad Mərkəzi Rayon Xəstəxanasına aparılıb.
İlkin versiya kimi qəzaya yağmurlu havanın səbəb olması və "QAZel"in dönmə əməliyyatını düzgün yerinə yetirməməsi göstərilir.
Faktla bağlı araşdırma aparılır. Qəzanın dəqiq səbəbləri təyin olunan avtoekspertizanın rəyindən sonra məlum olacaq.
OXŞAR XƏBƏRLƏR
Ağdamda Mərkəzi parkın tikintisi davam etdirilir
Prezident bu ölkələrə yeni səfirlər təyin etdi
Balakəndə dəhşət saçan qəzanın TƏFƏRRÜATLARI
Əhalinin gəlirləri artıb – Statistika Komitəsi MƏLUMAT YAYDI
Rusiyadan Ermənistana Azərbaycandan keçməklə növbəti tədarük həyata keçirildi
