Şiə silahlı birləşmələri İŞİD üzərinə hücuma keçdi
İraqın "Haşdi Şabi" mülki milis qrupu Mosul vilayətində türkmənlərin kompakt yaşadığı Telaferi İŞİD terrorçularından təmizləmək üçün əməliyyata başlayıb.
APA-nın Türkiyənin “Hürriyet” qəzetinə istinadən verdiyi məlumata görə, milis qrupu əməliyyatla bağlı açıqlama yayıb. Açıqlamada qeyd olunub ki, əməliyyatlarda məqsəd bölgəni iki il əvvəl işğal etmiş İŞİD terrorçularından təmizləməkdir.
"Haşdi Şabi"ni iraqlı şiə lideri Ayətullah Əli Sistaninin çağırışından sonra İraq hökuməti yaradıb. Qrup bir neçə gün əvvəl Mosuldakı əməliyyatlarda İŞİD-ə qarşı mübarizə aparacaqlarını açıqlamışdı. İranın dəstəyi ilə yaradılan silahlı qrupun bu bəyanatından sonra Türkiyə və bir sıra sünni məzhəbli qruplar "Haşdi Şabi"nin əməliyyatlara qoşulmasının əleyhinə olub.
Beynəlxalq təşkilatlar Bağdad hökumətinin rəsmən tanıdığı milis qrupunu azad olunan bölgələrdə sünni məzhəbli insanlara qarşı qətl və soyğunçuluq törətməkdə ittiham edir.
Apa.tv
OXŞAR XƏBƏRLƏR
Ağdamda Mərkəzi parkın tikintisi davam etdirilir
Prezident bu ölkələrə yeni səfirlər təyin etdi
Balakəndə dəhşət saçan qəzanın TƏFƏRRÜATLARI
Əhalinin gəlirləri artıb – Statistika Komitəsi MƏLUMAT YAYDI
Rusiyadan Ermənistana Azərbaycandan keçməklə növbəti tədarük həyata keçirildi
