Türkiyə Mosul əməliyyatına qatıldı: kürd döyüşçülərə sürpriz dəstək
Türkiyənin İraqın Mosul şəhəri yaxınlığındakı Başika düşərgəsindəki hərbi birləşmələri kürd peşmərgələrə artilleriya dəstəyi verir.
APA TV-nin Türkiyə mətbuatına istinadən verdiyi məlumata görə, bu gün səhər saatlarında Şimali İraq Kürdüstan Muxtariyyətinə bağlı peşmərgə qüvvələri Başika qəsəbəsinin azad edilməsi üçün əməliyyata başlayıb.
Peşmərgə qüvvələrinin komandanlığının xahişi ilə Türkiyə hərbi birləşmələri düşərgənin yaxınlığında yerləşən Başika qəsəbəsindəki İŞİD terrorçularının mövqelərinə artilleriya zərbələri endirir.
Qeyd edək ki, Başika düşərgəsi ilə bağlı Türkiyə və İraq arasında mübahisə yaşanmaqdadır. İraq Türkiyənin Başika düşərgəsindən hərbçilərini çıxarmasını tələb edib, bununla bağlı BMT-yə də şikayət edib. Türkiyə isə İŞİD-ə qarşı peşmərgələrə və Mosuldan olan könüllülərə təlim keçən hərbçilərini Başikadan çıxarmayacağını bəyan edib. Eyni zamanda Ankara Türkiyənin Mosul əməliyyatında iştirak edəcəyini və danışıqlar masasında yer alacağını bildirib.
Nəsimi Nəbizadə
OXŞAR XƏBƏRLƏR
Prezident İlham Əliyev Naxçıvanda Azərbaycan Televiziyasına müsahibə verib
Naxçıvan Regional DOST Mərkəzinin açılışı olub
Ağdamda Mərkəzi parkın tikintisi davam etdirilir
Prezident bu ölkələrə yeni səfirlər təyin etdi
Balakəndə dəhşət saçan qəzanın TƏFƏRRÜATLARI
