Zərdabda mal-qara oğruları tutuldu: “Şeytan ağlımızı aldı”
Zərdabda mal-qara oğruları tutulub. APA TV-nin yerli bürosunun xəbərinə görə, rayonun Məlikmudlu kənd sakini Vəzir Novruzov oktyabrın 14-də kənd ərazisində yerləşən otlaq sahəsindən ona məxsus 6 baş iri buynuzlu heyvanını oğurlanması barədə rayon polis şöbəsinə ərizə ilə müraciət edib.
Zərdab Rayon Polis Şöbəsinin əməkdaşlarının keçirdiyi əməliyyat-axtarış tədbirləri nəticəsində oğurluqda şübhəli bilinən Ağdaş rayonunun Şordəhnə kənd sakini Bərşad Bəhmən oğlu Məcidov və həmin rayonun Qulbəndə kəndində məskunlaşmış məcburi köçkün Sənan Bəylər oğlu Şükürov tutulublar.
İlkin dindirmə zamanı oğrular mal-qaranı Ağdaş rayonun da yerləşən mal bazarında satdıqlarını etiraf ediblər.
Bərşad Məcidov, saxlanılan şəxs: “İkimiz bir məxrəcə gəldik. Şeytan ağlımızı aldı. Mal-qaranı apardıq Ağdaşın mal bazarına. Həmin gün 1800 manata satdıq”.
Zərdab Rayon Polis Şöbəsində faktla bağlı araşdırmalar davam etdirilir.
OXŞAR XƏBƏRLƏR
“Toxumçuluq haqqında” yeni qanun qüvvəyə minib
Dövlət başçısı: Azərbaycan sülh üçün səylərini bundan sonra da davam etdirəcək
APA Çinin nüfuzlu CCTV+ agentliyi ilə əməkdaşlıq sazişi imzaladı
Muxtar respublikanın iqtisadi potensialı hərəkətə gətirilir
Növbəti günlərdə bizi necə hava gözləyir?
