Ronaldinyo: "Təklif gələrsə, "Qəbələ"də oynayaram"
Əfsanəvi futbolçu Ronaldinyo Bakıya gəlib. APA TV-nin xəbərinə görə, braziliyalı ulduz futbolçu Bakı Olimpiya Stadionunda (BOS) mətbuat konfransında iştirak edib.
Konfransa 36 yaşlı yarımmüdafiəçi ilə yanaşı, “Qəbələ” klubunun prezidenti Tale Heydərov və AFFA-nın baş katibi Elxan Məmmədov da qatılıb.
Dünya ulduzunun ölkəmizə gəlişinin səbəbi isə “Ronaldinyo Akademiyası”nın açılışının müzakirəsidir. Akademiya “Qəbələ” klubunun dəstəyi ilə Bakıda açılacaq.
AFFA-nın baş katibi Elxan Məmmədov braziliyalı məşhur futbolçunun Bakıya gəlişindən şad olduğunu qeyd edib: "Qəbələ" futbol klubu dünəndən Bakının futbol ailəsinin diqqətini cəlb etdi. Ronaldinyo kimi ulduzun Bakıya gəlməsi çox müsbət haldır. Digər tərəfdən, müsbət hal odur ki, “Qəbələ” Ronaldinyo ilə birlikdə akademiya açacaq. Bu da futbolumuzun inkişafına təkan verəcək”.
Daha sonra Ronaldinyo jurnalistlərin suallarına cavab verib. "Təklif gələrsə, "Qəbələ"də oynayarsınızmı" sualına ulduz futbolçu "niyə də yox?" cavabını verib.
Qeyd edək ki, karyerası ərzində PSJ, “Barselona” və “Milan” kimi Avropa nəhənglərinin formasını geyinmiş Ronaldinyo 1999-2013-cü illərdə Braziliya millisinin heyətində 97 oyun keçirib, 33 qola imza atıb.
Apa.tv
OXŞAR XƏBƏRLƏR
Prezident İlham Əliyev Naxçıvanda Azərbaycan Televiziyasına müsahibə verib
Naxçıvan Regional DOST Mərkəzinin açılışı olub
Ağdamda Mərkəzi parkın tikintisi davam etdirilir
Prezident bu ölkələrə yeni səfirlər təyin etdi
Balakəndə dəhşət saçan qəzanın TƏFƏRRÜATLARI
