Hacıqabulda təhlükə: Pirsaat su anbarında suyun səviyyəsi qalxdı
Bir neçə gündür aramsız yağan yağışlar nəticəsində dağ çaylarında sululuq artıb.
APA TV-nin Mil-Muğan bürosunun məlumatına görə, bu səbəbdən Hacıqabul rayonunun Pirsaat kəndi ərazisində eyniadlı çayın üzərində yerləşən su anbarında suyun səviyyəsi kəskin artıb.
Nəticədə bir neçə kəndin ərazisindən keçən çay yalnız Rəncbər kəndi ərazisində məcrasından çıxıb və 6 fərdi təsərrüfat su altında qalib. Vəziyyətlə bağlı Hacıqabul Rayon İcra Hakimiyyətində qərargah yaradılıb və hadisə yerinə ağır texnika, canlı qüvvə cəlb olunub. Rəncbər ərazisindəki yardımçı körpünün yaxınlığından əlavə köməkçi kanal qazılaraq su axınının kəndə daxil olmasının qarşısı alınıb. Zərurət nəticəsində qazılan kanala görə kəndə əsas giriş bağlanıb. Ancaq bununla belə, kəndə giriş alternativ yolla təmin olunub. Heç bir tələfat yoxdur və qeydə alınmayıb.
Hacıqabul Rayon İcra Hakimiyyətinin Fövqəladə Hallar Komissiyasının sədri Aslan Səmədov başqa kəndlərin də ərazisinə əlavə olaraq texnika və canlı qüvvənin cəlb olunduğunu bildirib.
Əlibəy Zeynallı
OXŞAR XƏBƏRLƏR
“Toxumçuluq haqqında” yeni qanun qüvvəyə minib
Dövlət başçısı: Azərbaycan sülh üçün səylərini bundan sonra da davam etdirəcək
APA Çinin nüfuzlu CCTV+ agentliyi ilə əməkdaşlıq sazişi imzaladı
Muxtar respublikanın iqtisadi potensialı hərəkətə gətirilir
Növbəti günlərdə bizi necə hava gözləyir?
