At onu çubuqla vuran sahibəsinin başını təpiklədi
Qaxda at təpikləyən iki uşaq anası ağır xəsarət alıb. Qax Mərkəzi Rayon Xəstəxanasından (RMX) APA TV-yə verilən məlumata görə, oktyabrın 15-i axşam saat 19:00 radələrində rayonun Tanqıt kənd sakini, 1981-ci il təvəllüdlü Tünzalə Əhliman qızı Hümbətova kəllə-beyin travması, beyin silkələnməsi və qulaq seyvanının cırığı xəsarəti ilə xəstəxanaya daxil olub.
Müayinə zamanı məlum olub ki, iki uşaq anası olan Tünzalə Hümbətovaya at təpik vurub. Xəstəxananın cərrahiyə şöbəsinə yerləşdirilən qadına lazımi tibbi yardım göstərilib, vəziyyəti orta-ağır qiymətləndirilir.
Tünzalə Hümbətovanın yaxınlarının APA TV-yə verdiyi məlumata görə, o, oğlu ilə birlikdə axşam saatlarında Tanqıt kənd inzibati ərazisindəki otlaq sahəsindən ailəsinə məxsus atı evə aparan zaman cəld hərəkət etsin deyə, heyvanı arxadan çubuqla burub. Bu zaman at sahibəsinin başından təpikləyib.
Vüqar Heydərov
OXŞAR XƏBƏRLƏR
“Toxumçuluq haqqında” yeni qanun qüvvəyə minib
Dövlət başçısı: Azərbaycan sülh üçün səylərini bundan sonra da davam etdirəcək
APA Çinin nüfuzlu CCTV+ agentliyi ilə əməkdaşlıq sazişi imzaladı
Muxtar respublikanın iqtisadi potensialı hərəkətə gətirilir
Növbəti günlərdə bizi necə hava gözləyir?
