Ermənilər işğal altındakı torpaqlarımızda yenidən hərbi təlimlər keçirdi
Erməni silahlı birləşmələri işğal altındakı Azərbaycan torpaqlarında yenidən hərbi təlimlər keçirib.
APA TV-nin Qarabağ bürosunun xəbərinə görə, təlimlərdə ağır artilleriya və zirehli texnikalardan istifadə edilir.
Ağdamın Uzundərə adlanan ərazisində atılan top, tank və digər iriçaplı qurğuların sursatlarının partlayış səsi cəbhəyanı yaşayış məntəqələrində eşidilir.
Ermənilər təlim keçirdiyi zaman əraziyə canlı qüvvə daşıyan yük maşınlarının hərəkəti müşahidə olunub. Bu zaman erməni silahlı qüvvələri hərbi təlimi dayandırıb. Düşmənə məxsus hərbi texnikaların əsasən iki istiqamətdə - Ağdam şəhəri və Uzundərə adlanan ərazi istiqamətində hərəkəti müşahidə olunub. Ağdam şəhəri istiqamətində erməni əsgərlərini daşıyan hərbi eşelonun son dayanacağını müşahidə etmək olmasa da, Uzundərə istiqamətində cəmləşən düşmən əsgərlərinin son dayanacağını APA TV-nin əməkdaşları lentə almağı bacarıb.
Ayşən Əhməd
OXŞAR XƏBƏRLƏR
“Toxumçuluq haqqında” yeni qanun qüvvəyə minib
Dövlət başçısı: Azərbaycan sülh üçün səylərini bundan sonra da davam etdirəcək
APA Çinin nüfuzlu CCTV+ agentliyi ilə əməkdaşlıq sazişi imzaladı
Muxtar respublikanın iqtisadi potensialı hərəkətə gətirilir
Növbəti günlərdə bizi necə hava gözləyir?
