Sərhədçilərimiz axtarışda olan 373 nəfəri saxlayıb
2016-cı ilin sentyabr ayı ərzində Azərbaycanın dövlət sərhədini pozduqlarına görə 36 halda 59 nəfər saxlanılıb.
Dövlət Sərhəd Xidmətinin mətbuat mərkəzindən APA TV-yə verilən məlumata görə, onların 25 nəfəri Azərbaycan, 15 nəfəri İran, 6 nəfəri Özbəkistan, 5 nəfəri Banqladeş, 2 nəfəri Rusiya Federasiyası, 2 nəfəri Gürcüstan, hər ölkədən bir nəfər olmaqla Ukrayna, Belçika, Uqanda, Keniya vətəndaşı olub.
Sərhəd rejim qaydalarını pozarkən yaşıl sərhəddə 7 halda 14 nəfər, Xəzər dənizində 14 halda 15 nəfər, Sərhəd Nəzarəti Məntəqələrində 848 halda 1153 nəfər saxlanılaraq barələrində müvafiq tədbirlər görülüb.
Cinayətkarlığa qarşı mübarizə tədbirləri nəticəsində Azərbaycanın hüquq-mühafizə orqanları tərəfindən axtarışda olan 373 nəfər aşkarlanaraq aidiyyəti orqanlara təhvil verilib.
Narkotik vasitələrin qeyri-qanuni dövriyyəsinə qarşı mübarizə tədbirləri nəticəsində 13 halda 5 kiloqram 334,1 qram narkotik maddə aşkar edilərək götürülüb.
Qaçaqmalçılıq fəaliyyətinə qarşı mübarizə çərçivəsində həyata keçirilmiş tədbirlər nəticəsində 72 halda ümumi dəyəri təqribən 158 min manat olan qaçaqmal, o cümlədən 3 ədəd 16 mm-lik tüfəng, 4 ədəd tank əleyhinə mina, 40 ədəd 9 mm-lik patron, 1 ədəd durbin, 8800 ABŞ dolları, 1320 Rusiya rublu, 20 ədəd Ermənistan istehsalı olan spirtli içkilər, 13 935 qutu müxtəlif markalı siqaret, 23 ədəd mobil telefon, 3 ədəd qayıq, 4 ədəd bıçaq, 358 ədəd müxtəlif növ dərman preparatları, sənaye və kənd təsərrüfatı malları saxlanılıb.
Dövlət sərhədlərimizin etibarlı mühafizəsinin təşkili istiqamətində tədbirlər davam etdirilir.
OXŞAR XƏBƏRLƏR
“Toxumçuluq haqqında” yeni qanun qüvvəyə minib
Dövlət başçısı: Azərbaycan sülh üçün səylərini bundan sonra da davam etdirəcək
APA Çinin nüfuzlu CCTV+ agentliyi ilə əməkdaşlıq sazişi imzaladı
Muxtar respublikanın iqtisadi potensialı hərəkətə gətirilir
Növbəti günlərdə bizi necə hava gözləyir?
