Gürcüstandakı seçkilərin nəticələri açıqlandı: parlamentə dörd azərbaycanlı keçdi
Gürcüstan parlamentinə şənbə günü keçirilən seçkilərlə əlaqədar səslərin 100%-i hesablanıb.
APA TV-nin xəbərində görə, bu barədə məlumatı Gürcüstan Mərkəzi Seçki Komissiyasının yayıb.
Beləliklə, yeni parlamentdə hakim “Gürcü arzusu” (48,8%), sabiq prezident Mixail Saakaşvilinin lideri olduğu “Vahid Milli Hərəkat” Partiyası (27,1%) və “Vətənpərvərlər Alyansı” (5,006%) təmsil olunacaqlar.
Qeyd edək ki, Gürcüstanda keçirilən parlament seçkilərində 19 partiya iştirak edib. Gürcüstan parlamentinin dəqiq tərkibi bir çox birmandatlı dairələrdə keçirilən ikinci turdan sonra məlum olacaq.
Gürcüstanda keçirilən parlament seçkilərində 4 azərbaycanlı deputat mandatı qazanıb. Bunlar “Gürcü Arzusu - Demokratik Gürcüstan” Partiyasından proporsional siyahı üzrə namizədliyi irəli sürülmüş Mahir Dərziyev, hakim partiyanın majoritar siyahıdan namizədləri Savalan Mirzəyev və Ruslan Hacıyev, eləcə də ölkənin ana müxalifət partiyası “Vahid Milli Hərəkat”ın namizədi Azər Süleymanovdur. İkinci turdan sonra azərbaycanlı millət vəkillərinin sayı arta bilər.
OXŞAR XƏBƏRLƏR
“Toxumçuluq haqqında” yeni qanun qüvvəyə minib
Dövlət başçısı: Azərbaycan sülh üçün səylərini bundan sonra da davam etdirəcək
APA Çinin nüfuzlu CCTV+ agentliyi ilə əməkdaşlıq sazişi imzaladı
Muxtar respublikanın iqtisadi potensialı hərəkətə gətirilir
Növbəti günlərdə bizi necə hava gözləyir?
