Gürcüstanda parlament seçkiləri keçirilir
Gürcüstanda parlament seçkiləri başlayıb. APA TV-nin "Rustavi2" telekanalına istinadən xəbərinə görə, seçkilərdə 19 partiya və siyasi blok iştirak edir. 150 deputatın 77-si proporsional, 73-ü mojaritar sistemlə seçiləcək
Ölkədə seçki məntəqələri saat 8:00-da açılıb. Seçkiləri 200 yerli və beynəlxalq təşkilat izləyir.
Əsas rəqiblər iqtidarda olan "Gürcü arzusu" və keçmiş prezident Mixail Saakaşvilini dəstəkləyən "Milli hərəkat" partiyalarıdır. Hazırda Ukraynanın Odessa vilayətinin qubernatoru vəzifəsini tutan Saakaşvili partiyasının qalib gələcəyi təqdirdə vətənə qayıdacağını vəd edib.
Bu arada Gürcüstanın Daxili İşlər Nazirliyindən sabiq dövlət başçısının bu açıqlamasına münasibət bildirərək, onun ölkəyə qayıdacağı anda həbs ediləcəyi vurğulanıb.
Qanunvericiliyə əsasən parlament seçkilərində qalib gələn partiya baş nazir postuna namizəd vermək və hökuməti qurmaq hüququna sahibdir.
Elvin Bayramlı
OXŞAR XƏBƏRLƏR
Xankəndiyə növbəti köç karvanı YOLA SALINIB
“Toxumçuluq haqqında” yeni qanun qüvvəyə minib
Dövlət başçısı: Azərbaycan sülh üçün səylərini bundan sonra da davam etdirəcək
APA Çinin nüfuzlu CCTV+ agentliyi ilə əməkdaşlıq sazişi imzaladı
Muxtar respublikanın iqtisadi potensialı hərəkətə gətirilir
