Cəbhədə düşmən hərbçisi yaralanıb
Cəbhədə erməni əsgəri yaralanıb. APA TV-nin erməni mənbələrinə istinadən məlumatına görə, hadisə Azərbaycanın işğal olunmuş ərazilərində, oktyabrın 7-də saat 8:30-da qeydə alınıb.
Ermənistan mətbuatı güllə yarası alan əsgərin 1996-cı il təvəllüdlü Ayk Levonoviç Ambarsumyan olduğunu yazıb.
Onun qarşı tərəfdən açılan atəş nəticəsində yaralandığı deyilir.
Xatırladaq ki, oktyabrın 5-i gecədən başlayaraq erməni silahlı birləşmələri təmas xəttinin bütün istiqamətlərində gərginlik yaratmaqda davam edir. Oktyabrın 6-da düşmənin açdığı atəş nəticəsində Azərbaycan Ordusunun əsgəri şəhid olub.
Azərbaycanın Müdafiə Nazirliyi baş verən hadisədən məsuliyyətin bütünlüklə Ermənistanın hərbi-siyasi rəhbərliyinin üzərinə düşdüyünü və bu kimi hallarda layiqli cavab veriləcəyini dəfələrlə bəyan edib.
Elvin Bayramlı
OXŞAR XƏBƏRLƏR
Xankəndiyə növbəti köç karvanı YOLA SALINIB
“Toxumçuluq haqqında” yeni qanun qüvvəyə minib
Dövlət başçısı: Azərbaycan sülh üçün səylərini bundan sonra da davam etdirəcək
APA Çinin nüfuzlu CCTV+ agentliyi ilə əməkdaşlıq sazişi imzaladı
Muxtar respublikanın iqtisadi potensialı hərəkətə gətirilir
