Qəzada yaralananlara kömək etmək üçün maşından düşdü, özünü maşın vurdu
Bakı-Quba yolunda ölümlə nəticələnən yol nəqliyyat hadisəsi baş verib.
APA TV-nin şimal bürosunun verdiyi məlumata görə, qəza Siyəzən rayonunun Gilgilçay kəndi ərazisindən keçən hissəsində qeydə alınıb.
99 AC 039 dövlət nömrə nişanlı "Azsamand" markalı avtomaşınla 10 UT 453 dövlət nömrə nişanlı "VAZ 2106" markalı maşın toqquşub.
Qəza nəticəsində "Azsamand" yol kənarındakı dəmir maneəyə çırpılıb. Nəticədə "Azsamand"da olanlardan biri dünyasını dəyişib. Qəzada xəsarət alanlara kömək məqsədilə "Ford" markalı maşından düşən qadın sərnişini isə yoldan keçən maşınlardan biri vurub. Orta yaşlı qadın hadisə yerində dünyasını dəyişib. Hadisəni törədən sürücü qaçıb.
Qəza zamanı xəsarət alan şəxslər Siyəzən Regional Diaqnostika Mərkəzinə yerləşdirilib.
Faktla bağlı araşdırmalar davam etdirilir.
Vəli Turan
OXŞAR XƏBƏRLƏR
Növbəti köç karvanı Xankəndiyə çatıb
Xankəndiyə növbəti köç karvanı YOLA SALINIB
“Toxumçuluq haqqında” yeni qanun qüvvəyə minib
Dövlət başçısı: Azərbaycan sülh üçün səylərini bundan sonra da davam etdirəcək
APA Çinin nüfuzlu CCTV+ agentliyi ilə əməkdaşlıq sazişi imzaladı
