Marketdə E -manat terminalı sındırıldı, kassadakı pullar oğurlandı
Abşeron rayon Polis İdarəsinə müraciət edən vətəndaş Fikrət İsmayılov Masazır qəsəbəsində ona məxsus olan magazadan oğurluq olunması barədə məlumat verib. APA TV -nin məlumatına görə, hadisə yerinə baxış keçirən polis əməkdaşları oradan kassada olan təqribən 690 manat pulun və magazada E- manat ödəmə aparatının sındırılaraq içərisində olan nəğd pulun oğurlandığını müəyyən ediblər. Rayon polis idarəsinin cinayət axtarış şöbəsinin keçirdiyi əməliyyat tədbirləri zamanı hadisəni törətməkdə şübhəli bilinən Əflatun Bayramov saxlanılıb. İstintaq zamanı dindirlən Bayramov əməlini səmimi etiraf edib.
Əflatun Bayramovun sözlərinə görə o, sözü gedən magazanın yaxınlığında usta işləyib. Əflatun Bayramov hadisəni gecə vaxtı törətdiyini deyib. Əvvəllərdə məhkumluq həyatı yaşayan Əflatun Bayramov asan yolla əldə etdiyi pulları öz istirahəti üçün xərclədiyini bildirib.
Faktla bağlı cinayət işi başlanıb, araşdırma aparılır.
Apa.tv
OXŞAR XƏBƏRLƏR
Növbəti köç karvanı Xankəndiyə çatıb
Xankəndiyə növbəti köç karvanı YOLA SALINIB
“Toxumçuluq haqqında” yeni qanun qüvvəyə minib
Dövlət başçısı: Azərbaycan sülh üçün səylərini bundan sonra da davam etdirəcək
APA Çinin nüfuzlu CCTV+ agentliyi ilə əməkdaşlıq sazişi imzaladı
