Toyda olan şəxsin evi qarət edildi - OĞRULAR QAÇDI
Cəlilabadda evdən xeyli miqdarda pul və qızıl-zinət əşyaları oğurlanıb. APA TV-nin cənub bürosunun məlumatına görə, hadisə rayonun Seyidbazar kənd sakini Namiq İsmayılova məxsus fərdi evdə baş verib.
Axşam saatlarında ailə üzvlərinin toyda olmasından istifadə edən naməlum şəxs və ya şəxslər evin pəncərəsini sındırmaqla içəri daxil olub və mənzildən 5500 manat pul və qızıl-zinət əşyalarını oğurlayıblar.
Zərərçəkənin sözlərinə görə, həyətdəki ayaq izlərindən oğruların iki nəfər olduğu ehtimal edilir.
Hadisə ilə bağlı Daxili İşlər Nazirliyinin 102 xidmətinə və Cəlilabad Rayon Polis Şöbəsinə məlumat verilib. Polis əməkdaşları hadisə yerinə gələrək istintaq hərəkətləri üçün zəruri olan barmaq izlərini götürüblər.
Hazırda cinayəti törədənlərin tapılması istiqamətində əməliyyat-axtarış tədbirləri davam etdirilir.
Apa.tv
OXŞAR XƏBƏRLƏR
Növbəti köç karvanı Xankəndiyə çatıb
Xankəndiyə növbəti köç karvanı YOLA SALINIB
“Toxumçuluq haqqında” yeni qanun qüvvəyə minib
Dövlət başçısı: Azərbaycan sülh üçün səylərini bundan sonra da davam etdirəcək
APA Çinin nüfuzlu CCTV+ agentliyi ilə əməkdaşlıq sazişi imzaladı
