Saatlı sakinindən yarım kilodan çox marixuana götürüldü
Saatlıda polis tərəfindən həyata keçirilən əməliyyat zamani küllü miqdarda qurudulmuş marixuana aşkar edilərək dövriyyədən çıxarılıb.
APA TV-nin yerli bürosunun xəbərinə görə, Saatlı Rayon Polis Şöbəsi əməkdaşlarının Musalı kəndində həyata keçirdiyi əməliyyat tədbirləri zamanı narkotik vasitələrin əkilib becərilməsi ilə məşğul olan Məhiyəddin Abasqulu oğlu Həsənov saxlanılıb.
Onun evinə baxış keçirilən zaman oradan ümumi çəkisi 564 qram olan, 29 bükümdə yığılan qurudulmuş marixuana aşkar edilib. Məlum olub ki, Məhiyəddin həmin narkotik vasitəni bu ilin may ayında öz həyətindəki kartof bitkilərinin arasında əkib. Daha sonra ona aqrotexniki qaydada qulluq edərək böyüdüb. Həmin narkotik tərkibli bitkilərdən isə qurudulmuş marixuana əldə edib.
Saxlanılan şəxs əməlini etiraf edib. Əməlindən peşman olduğunu söyləyən Məhiyəddin Həsənov narkotik maddəni şəxsi istifadəsi üçün əkib becərdiyini bildirir.
Hazırda faktla bağlı cinayət işi açılıb, araşdırma aparılır.
Qeyd edək ki, Məhiyəddin Həsənov əvvəllər də narkotik vasitə əkib becərməyə görə məhkumluq həyatı yaşayıb.
Apa.tv
OXŞAR XƏBƏRLƏR
Növbəti köç karvanı Xankəndiyə çatıb
Xankəndiyə növbəti köç karvanı YOLA SALINIB
“Toxumçuluq haqqında” yeni qanun qüvvəyə minib
Dövlət başçısı: Azərbaycan sülh üçün səylərini bundan sonra da davam etdirəcək
APA Çinin nüfuzlu CCTV+ agentliyi ilə əməkdaşlıq sazişi imzaladı
