Terror qruplaşması: Silahları birbaşa ABŞ-dan alırıq
"Ən-Nusra Cəbhəsi" ABŞ-ın onlara çoxlu sayda silah göndərdiyini açıqlayıb. APA TV-nin məlumatına görə, bu fikri qruplaşmanın komandirlərindən biri "Əbu əl-Əzz" kod adlı terrorçu Almaniyanın "Focus" jurnalına müsahibəsində deyib.
ABŞ, Rusiya və BMT tərəfindən terror təşkilatı olaraq qəbul olunan “Cəbhət ən-Nüsra” onlara Vaşinqton tərəfindən başda BGM-71 TOW tank əleyhinə raketlər olmaqla çoxlu sayda silah verildiyini bildirib. "Əbu əl-Əzz" silahların verilməsində hər hansı təşkilatın vasitəçilik etmədiyini, amerikalılardan birbaşa aldıqlarını söyləyib. O, "raketlər birbaşa bizə verildi. Amerikalılar bizim tərəfimizdədir", - deyə qeyd edib.
"Əsəd rejimi devrilənə qədər döyüşəcəyik" - deyən "Ən-Nusra Cəbhəsi" komandiri məqsədlərinin şəriət qanunları ilə idarə olunan İslam dövləti qurmaq olduğunu və hər hansı dünyəvi dövləti tanımayacaqlarını bildirib.
Qeyd edək ki, bu ilin iyul ayında “Cəbhət ən-Nüsra” terror təşkilatı "əl-Qaidə"dən ayrılaraq adını "Şam Fəthi Cəbhəsi" qoyduğunu elan etmişdi. "Əl-Qaidə" ilə birgə vuruşduğu zaman terror təşkilatı olaraq tanınan "Ən-Nusra Cəbhəsi"nin bu qərardan sonra da ABŞ rəhbərliyi tərəfindən terror təşkilatı olaraq qəbul olunduğu açıqlanmışdı.
Apa.tv
OXŞAR XƏBƏRLƏR
Növbəti köç karvanı Xankəndiyə çatıb
Xankəndiyə növbəti köç karvanı YOLA SALINIB
“Toxumçuluq haqqında” yeni qanun qüvvəyə minib
Dövlət başçısı: Azərbaycan sülh üçün səylərini bundan sonra da davam etdirəcək
APA Çinin nüfuzlu CCTV+ agentliyi ilə əməkdaşlıq sazişi imzaladı
