İsmayıllıda avtomobil aşdı: 3 yaralı
İsmayıllı rayonunda 3 nəfərin ağır xəsarət alması ilə nəticələnən avtomobil qəzası baş verib.
APA TV-nin yerli bürosunun xəbərinə görə, hadisə bu gün saat 15:30 radələrində İsmayıllı-Qaraməryəm yolunun 2-ci kilometrliyində qeydə alınıb.
İsmayıllının Kürdmaşı kənd sakininə məxsus 31 EP 121 dövlət nömrə nişanlı “VAZ-2106” markalı minik avtomobili hərəkətdə olarkən sürücü idarəetməni itirib və avtomobil yoldan çıxaraq aşıb. Hadisə zamanı avtomobildəki şəxslər - 1979-cu il təvəllüdlü Zaur Ədalət oğlu Hacıyev, 1965-ci il təvəllüdlü Salman Abdulla oğlu Cəfərov və 1968-ci il təvəllüdlü Ruqiyə Allahverdi qızı Cəfərova müxtəlif dərəcəli bədən xəsarətləri ilə İsmayıllı Rayon Mərkəzi Xəstəxanasına yerləşdirilib.
Faktla bağlı İsmayıllı rayon Polis Şöbəsi tərəfindən araşdırma aparılır.
Apa.tv
OXŞAR XƏBƏRLƏR
Növbəti köç karvanı Xankəndiyə çatıb
Xankəndiyə növbəti köç karvanı YOLA SALINIB
“Toxumçuluq haqqında” yeni qanun qüvvəyə minib
Dövlət başçısı: Azərbaycan sülh üçün səylərini bundan sonra da davam etdirəcək
APA Çinin nüfuzlu CCTV+ agentliyi ilə əməkdaşlıq sazişi imzaladı
