Qəbələdə atıcılıq üzrə Dünya Kuboku yarışları başa çatdı
Sentyabrın 18-dən başlayaraq Qəbələ rayonunun Bum qəsəbəsindəki Stend və Ox Atıcılığı Kompleksində keçirilən olimpiya atıcılıq növləri üzrə Dünya Kuboku yarışları başa çatıb.
APA TV-nin yerli bürosunun xəbərinə görə, “Qəbələ” Atıcılıq Klubunun və Azərbaycan Atıcılıq Federasiyasının təşkilatçılığı, Milli Olimpiya Komitəsinin, Gənclər və İdman Nazirliyinin dəstəyi ilə keçirilən yarışlarda 27 ölkədən 281 nəfər 21 yaşadək olan gənc qız və oğlan idmançı iştirak edib.
Yarışların sonuncu günü, yəni sentyabrın 22-də oğlanlar arasında səngər stend atıcılığı üzrə qaliblər məlum olub. Bu yarışda ölkəmizi Əlimirzə Quliyev, Mirmömin Ağazadə, Sabir Mehdizadə, Elmar Sadıqov, Ramil Əliyev, Vaqif Məmmədov təmsil edib. Güclü idmançıların mübarizə apardığı bu yarışda komanda üzvlərimiz mükafat qazana bilməyib.
Avstriya idmançısı Jack Vallage birinci, İtaliya idmançıları Simone Ambrosio ikinci və Matteo Maronqiu üçüncü yeri tutub. Bu yarışda ümumi hesabda İtaliya, Avstriya və Hindistan komandaları müvafiq olaraq I-III yerlərə çıxıblar. Yarışlardan sonra ilk 3 yeri tutan idmançıların və komandaların mükafatlandırılması mərasimi keçirilib.
Dünya Kuboku yarışlarında medalların ümumi sayına görə Rusiya komandası 25 medalla birinci, Hindistan idmançıları 24 medalla ikinci, Çin atıcıları 8 medalla üçüncü yeri tutub. Rusiya idmançıları 12 qızıl, 9 gümüş və 4 bürünc medal qazanıblar.
Apa.tv
OXŞAR XƏBƏRLƏR
Növbəti köç karvanı Xankəndiyə çatıb
Xankəndiyə növbəti köç karvanı YOLA SALINIB
“Toxumçuluq haqqında” yeni qanun qüvvəyə minib
Dövlət başçısı: Azərbaycan sülh üçün səylərini bundan sonra da davam etdirəcək
APA Çinin nüfuzlu CCTV+ agentliyi ilə əməkdaşlıq sazişi imzaladı
