Bakıda çoxsaylı oğurluqlar törətmiş dəstə ələ keçdi
Bakının Xəzər rayonu ərazisində çoxsaylı oğurluq hadisələri törətməkdə şübhəli bilinən dəstə zərərsizləşdirilib.
APA TV-nin məlumatına görə, Binə qəsəbəsinin sakinləri - Vüsal Mübariz oğlu Məmmədli, Həmid Zahid oğlu Əliyev, Teyyub Mübariz oğlu Məmmədli, Vüsal Mübariz oğlu Məmmədli, Rəşad Heydər oğlu Əliyev və Orxan Əli oğlu Əlizadədən ibarət dəstəni Xəzər Rayon Polis İdarəsinin əməliyyatçıları uzun müddət izlədikdən sonra tuta biliblər. Yaşları 19-23 arası olan gənclərdən ibarət dəstəyə Vüsal Məmmədli ilə Rəşad Əliyev başçılıq edib.
Xəzər Rayon Polis İdarəsində işin istintaqını aparan müstəntiq Kamran Zülfüqarovun sözlərinə görə, bəzi evlər günün günorta çağı qarət olunub. Dəstənin fəaliyyət ərazisi Binə, Qala və Buzovna qəsəbələrini əhatə edib.
Oğurlanan qızıl-zinət əşyaları və müxtəlif məişət avadanlıqları paytaxtın müxtəlif yerlərində dəyər-dəyməzinə satılıb. Əldə edilən pul isə dəstə üzvləri arasında bölünüb. Saxlanılan Vüsal Məmmədli oğurluq etmək təklifinin onunla Rəşaddan gəldiyini təsdiqləyib.
Dəstənin digər üzvü, 23 yaşlı Həmid Əliyev isə dəstəyə qoşulmazdan əvvəl təkbaşına oğurluqlar edirmiş.
Faktla əlaqədar Xəzər Rayon Polis İdarəsində başlanan cinayət işi üzrə araşdırmalar davam edir.
Apa.tv
OXŞAR XƏBƏRLƏR
Növbəti köç karvanı Xankəndiyə çatıb
Xankəndiyə növbəti köç karvanı YOLA SALINIB
“Toxumçuluq haqqında” yeni qanun qüvvəyə minib
Dövlət başçısı: Azərbaycan sülh üçün səylərini bundan sonra da davam etdirəcək
APA Çinin nüfuzlu CCTV+ agentliyi ilə əməkdaşlıq sazişi imzaladı
