Bakıda supermarketdən oğurluğa cəhd edənlər ələ keçdi
Bakıda oğurluğa cəhdin qarşısı alınıb. APA TV-nin xəbərinə görə, mühafizə polisinin əməkdaşları cinayətkarları iş başında yaxalayıblar.
Ötən gecə saat 02:44 radələrində Nizami rayonu, Rüstəmov küçəsi, ev 9 ünvanında yerləşən supermarketdən Mərkəzi Mühafizə Məntəqəsinə “həyəcan” siqnalı daxil olub. Nizami Rayon Mühafizə İdarəsinin əməkdaşları 2 dəqiqə ərzində hadisə yerinə çatıblar. Onlar obyektin ön vitrin şüşəsinin sındırıldığını aşkar ediblər.
Hadisə yerində oğurluğa cəhd göstərən Bakı şəhər sakinləri - 35 yaşlı Arif İsgəndər oğlu Verdiyev, 30 yaşlı Emin Seyidəhməd oğlu Zahirov və Gəncə şəhər sakini, 45 yaşlı Bahadur Əhməd oğlu Əhmədov saxlanılaraq ərazi üzrə Nizami Rayon Polis İdarəsinin 25-ci Polis Bölməsinə təhvil verilib.
Faktla bağlı Nizami Rayon Polis İdarəsinin 25-ci Polis Bölməsində araşdırma aparılır.
Apa.tv
OXŞAR XƏBƏRLƏR
Növbəti köç karvanı Xankəndiyə çatıb
Xankəndiyə növbəti köç karvanı YOLA SALINIB
“Toxumçuluq haqqında” yeni qanun qüvvəyə minib
Dövlət başçısı: Azərbaycan sülh üçün səylərini bundan sonra da davam etdirəcək
APA Çinin nüfuzlu CCTV+ agentliyi ilə əməkdaşlıq sazişi imzaladı
